رأيكم من فضلم حاولو تمدولي نتيجة و حقيقة شفتوها في هاد الحكاية تخليني نتجاوزها 🥺💔 كنت مع انسان عرفتو على مواقع التواصل الاجتماعي هو من ولاية سيدي بلعباس و انا تلمسان و تلاقينا بعد 6 شهور و من هداك النهار زاد الحب بيناتنا و ارتحنا البعضنا البعض و عجبتو و اعجبني المهم كان واعدني انو يجي يخطبني و دايمن مبينلي النية التاعو من جيهتي و بلي كاين هدف حاب يوصلو معايا المهم كنا ملاح مين داك ندابزو ياك تعرفو مكانش relation parfait المهم جامي خسر معايا ف الهدرة ولا قلل من قدري الحمد لله من هاد الناحية المهم قبل رمضان بأيام تكلمت معايا الأم تاعو قاتلي انشاء الله مور العيد نتقدمو و نجي نخطبك و تفاهمنا و انا حكيت للأم تاعي ... أيا فات رمضان و هو بدا يتبدل عاود جا عيد ميلادي و كان هو الاول بعتلي و قالي كلام شباب أيا من موراها دابزنا عادي هو زاد فيها ( مع العلم ماشي موالف يكبرها a ce point) أيا مزادش هدر معايا ان comme par hasard شفتو مكومونتي لوحدة و كي سقسيتو قالي مادامت صحبي انا مأمنتوش و بلوكيتو هو موالف يهبل باش نديبلوكيه هداك النهار مدارش effort كبير المهم فالأخير كتاشفت بلي هاديك الطفلة هو كان حابها و عاجباتو و حكا معاها ( انا بعتلها و وراتلي كلشي منجمتش نصبر كان خاصني نعرف الصح باش منضلم تا واحد فينا ) مهم بعد ما عرفت وريتلو و مكترتش الهدرة معاااه و زدت بلوكيتو من كلشي لحد الأن رانا شهرين عيطلي مرة وحد فالشهر الاول لي كملنا فيه و انا مرفدتش و زاد عيطلي مرة وحدخرا فالشهر الثاني و تاني مرفدتش و مشكلتي انو حسيت بالنقص بخيبت امل كبيرة لدرجة اني ندمت لي حبيتو و و امنت فيه و نويت نكملها معاه و وليت ماندير ثقة فأي انسان مهما كان خاصة الرجال و لحد الان مافهمتش علاش كان يعيطلي غير مرة و صايي مع انو لوكان خاصو يهدر يقدر يبعت ميساج