يا جدعان عايز اخد رايك في حاجه دلوقتي ليا واحد صحبي و بقوب عليه اخويا يعني هو جدع معايا و كل حاجه بس انا مش حاسس اننا عارفين نهزر مع بعض لو انا هزرت معاه مثلا قلشت ف وست الكلام او برخم بهزار ف وسط الشات يقولي اعقل و انضج و ميكملش هزار و لو هو جه يهزر معايا و انا مفهمتش الهزار او مثلا كملت ف الهزار و التكمله معجبتهوش يقولي برضو نفس الكلمتين ابسط مثال كنا علي باب الجيم و بهزر و بقوله اخيرا طلعلي شيست و بدا يبان فا لقيته بيقولي رزمن و اعقل فا بعد ما خلصنا و بدانا نتكلم قالي مفيش حد عاقل يعمل و لا يقول كده قدام الناس فا انا عايز اعرف اعاتبه و انا عارف اني لما اعاتبه حرفيا هتتقلب عليا كلها ولا اسكت و اكبر دماغي زي ما بعمل علطول و انا ربنا يعلم خايف اتكلم معاه فا نخسر بعض و نخصر قربنا لبعض ده رغم اني بعتبره اخويا و الخوف جي منه هو مش مني انا
بص مش معنى أن هو ساعدك فى حاجه يبقى أن هو كويس فى كل حاجه انا رايى بقى تقعد معاه براحه وتتكلموا وتفهم منه هو بيعمل كده ليه ولا هو طبيعته كده مع كل الناس مش بيهزر ولا ايه ثانيا ما تربطش حياتك بيه حاول تصاحب حد كويس تانى بس يكون بيهزر ويضحك زيك يبقى هو النصيحه والتانى للهزار عادى جدا مافيهاش حاجه لما تصاحب غيره ويبقى هما الاتنين صحابك
والله لو التعليقات بتاعته صح وشايفها منطقيه يبقى هو عاوزك تبقى كويس إنما لو كل شويه عمال على بطال يبقى اقطع العلاقه التوكسك دى لأن انت مش هتعرف تستحمله وهيجى عليك وقت وتنفجر فى عشان انا مريت بالموضوع ده مع واحده صحبتى لحد ما انفجرت فيها وما بقيناش صحاب