دي بتكون فتره كده جهازك العصبي مش بيبقى مستحمل الزعل بيحصل تبلد في المشاعر بتحس أنه الزعل والحزن بقى حاجه عاديه عامه متقلقش هي بتاخد وقت كده هتلاقي نفسك رجعت طبيعي عشان في الغالب بتحصل لما بتتحمل ضغوطات كتير بتلاقي نفسك بردت مره واحده مبقاش في حاجه بتأثر بس عادي يعني هتلاقي نفسك طبيعي مع الوقت

بص الحوار ده بيحصلى و حتي الشعور بالفرح بيبقي مش موجود و مش بيكون عندي مشاعر ولا فرح ولا حزن ولا بتحمس لحاجه بحس اني روبوت بس لما بحثت عرفت ان لما بتعرض لضغوطات كتير او فيه زعل جامد لدرجه ان ممكن يأذيني و يأثر عليا ف المخ بيفضل انه يهرب من كل ده و بيفصل المشاعر عن دماغك خالص بس متقلقش بتقعد فتره كده و ترجع كويس و حاول متشيلش نفسك فوق طاقتها انا بشوفها رحمه من ربنا ليا لان بتحصل حاجات ممكن مستحملهاش ف العادي فاهمني

دا بس تأثير الصدمه وبعد هيبقي فيه كل المشاعر اللي انتي حاسها دي دي بس فتره لخبطة

غيبوبة

انا زيك لما بتحصل مصيبه مببقاش مستوعب ولا حاسس بحاجه بس اكتشفت ان الزعل بيفضل جوايا و بيطلع فصور تانيه اوحش

.

ضغوطات زيادة فترة وهتعدي

ساعات من كثرة الضغط والتفكير الجسم ميبقاش مستحمل خصوصا المخ من كم المشاعر ف بيختار الهروب من كل دا زي فتره راحه كدا وتبقي مش حاسس باي شعور انا فاهمه قصدك جدا فعلا