ما شاء الله عليكي وربنا يعينك ويقويكي هو من كلامك ومن شهادة الدكاترة اللي بيشرحوا انك حد ناجح ومتفوق ممكن أسباب وقوعك بسبب الضغوطات اللي عندك مطلوب منك تشتغلي وتدرسي وتطوري من نفسك وتكون أم وأب للاولاد فطبيعي تنهاري وتقعي لانك بني ادمه مش روبورت بس هي الفكرة بتقعي وبتقومي وبتعافري ولا بتستسلمي اصلي هو مينفعش تستسلمي عشان الأولاد وهي دي سنه الحياه والساقيه اللي كلنا بنلف فيها ربنا يعينك ويقويكي ويقر عينك ب أولادك ويعوضعك خير ويرزقك براحه البال وراحه قلبك 🌹🌹

انتي مش قليلة ولا مثلا فاشلة لا سمح الله … انتي بس تعبتي من كتر ما شيلتي لوحدك أم لطفلين، شغل، مسؤولية مادية، دراسة، ومحاولة مستمرة إنك تبقي أحسن… ده مش ضعف، ده حمل تقيل أوي للأسف علي شخص واحد بيحاول يفضل واقف وصدقيني، الدعم اللي بتسمعيه مش مجاملة. هما شافوا فيكي حاجة انتي تعبك مخبيها عن عينيكي. إحنا ما اتخلقناش عشان ننجز طول الوقت. اتخلقنا نعيش ونهدى ونقع ونقوم، ونطبطب على نفسنا شوية. خدي نفس عميق… وماتحكميش على مستقبلك وانتي مطفية. النور لسه فيكي، حتى لو انتي مش شايفاه دلوقتي.

بالعكس الي بيقولك انك هتنجحي وليكي مستقبل عشان شايف قد ايه انتي مثابرة ومجتهدة، ربنا مش بيضيع تعب حد، انتي ماشاءالله عليكي بتحاولي وبتتعبي جامد وان شاءالله هتلاقي نتيجة كويسة فالآخر، هما ميعرفوش حاجة عنك بس من تعاملهم شايفينك قوية وتقدري تتعاملي وتتعايشي مع الصعوبات، وعموما ربنا يعينك ويوفقك فالجاي

علي فكرة دي حاجه حلوة جدااا ناس كتير مفتقداها حماسك بيقع طبيعي من الضغوطات والمسؤوليات المطلوبه منك وعليكي بالعكس انتي أحسن من زمايلك اللي بتقولي عليهم مع احترامي ليهم هما لوحدهم ومش متجوزين ومفيش مسئوليه طبعا الله اعلم بظروفهم بس انتي كمان ناجحه وشاطرة وبتطوري من نفسك فوق كل ده عندك بيت واسرة وأولاد فلو بصيتلها من الاتجاه الآخر هتلاقي انك انتي اللي ناجحه اكتر منهم

بص ربنا معاكي وحرام تعترضي علي كونك انثه وانتي انسانه جميله علشان بتحولي تتطور من نفسك علشان عيالك وربنل يبارك فيهم بس خليهم هدف علشانك

تمام ولا يهمك .. اصلا البوست عشان انا يدوب ٣٣ سنة ، بس فعلا الموضوع متعب فوق الوصف

بعت منشور يا امي ابعتيلي خاص

برافو عليكي بعد كل ده هل بتعرفي توفقي بين وبيتك واولادك وجوزك ، اكيد في حاجه هتقع منك وياترى على انهي حساب حساب بيتك ولا شغلك ولا دراستك ولا جوزك

عندك حق هما أشباه الرجال بيقولوا كدا عشان يستلزوا بالنساء تراهم يشجعون نساء الارض ويمقتون نسائهم يقولون المرأة حره ويروح البيت لمراته يقولها انتي اخرك المطبخ بارك الله فيك وفي تفكيرك يا اختي ولو عزتي اي مساعده موجود مع حضرتك في اي وقت

وباباهم فين من ده كله