حماس بدايات ، بتلاقي نفسك بتيجي على نومك على راحتك على شغلك على وقتك عشان خاطر الطرف التاني وتديه كل اللي تقدر عليه ومع الوقت خلاص مش هتقدر تكمل بنفس الشغل وبترجع لرتم حياتك الطبيعي من شغل ومشاكل الى اخره ف دا الطبيعي والعادي محدش متفرغ لحد

طبيعي جدا، دى حلاوة البدايات بس، سواء في ارتباط او خطوبة، علشان كده في الخطوبة لازم نلتزم بالضوابط بتاعتها بلا محن بلا بتاع، لأن بعد ما يتقفل عليكم باب واحد بعد الجواز كل واحد هيعيش بشخصيته الطبيعية اللى كان بيحاول يزينها لشريكه في الخطوبة

والله دا الطبيعي والعادي .. احنا رحالة بنشتغل

طبيعي لأن هو ده اللي الرجالة بتعرف تجيب بيه البنات وبعدين انتي مستنية منه ايه واحد مجاش كدة دخل البيت من بابه وهي كمان مراعتش أهلها وكلمت حد من وراهم بستغرب والله الناس اللي بتبقى مستنية نهاية غير كدة ما ده الطبيعي انتو مستنيين يعني ياخدها ويروحوا يعملوا عمرة ما اي حاجة حرام لازم تكون كدة وهو عارف هو بيعمل ايه من الاول ما اكيد مش هيهمل في الأول هتكوني لسة متعلقتيش بيه فهتنطريه لكن هو هيهتم ويحنن في الأول وبعد ما يضمن بقى ويكون عمل اللي في دماغه يبتدي بقى يريح دماغه شوية انما لو العلاقة بادئة صح من الاول كان هيبقى عارف انه مربوط بيكي وانك خلاص مش اي تسلية والسلام يقدر يخلع منها في اي وقت هتلاقيه ماشي بالعقل فنتقي الله عشان منرجعش نقول يا ريت ونندم ومنسمحش لحد يتخطي مراحل معانا من غير حاجة واضحة وصريحة وسليمة لأن الوحيد اللي هيندم هو احنا لانك مش هتعرفي تعمليله حاجة يوم ما يحب يخلع

لو ارتباط والهبل دا فاطبيعي يعني

حلاوة البدايات

طب عاوزه اسال حاجه تاني معلش هل من المنطقي أن في حد بيقعد طول الاسبوع او اكتر مش فاضي يقدر ميتكلمش ولا يسأل عادي مش فارقه ؟ هل كلكوا كده مشغولين لدرجه صعبه طول الوقت ؟ حتي الأجازات مش فاضيين ؟

حلاوت بدايات بيحاول يعلق بيها

بصي للأسف بواجه نفس المشكلة مع البنت اللي معايا في العلاقة و هي بدأت تحس ان حبي قل ليها ومعدتش بحبها وأنا في واقع الأمر مش بشوف غيرها ولا بيشغلني غيرها . الفكرة طبيعية جدا يا جماعة احنا في البداية كل واحد بيحاول يعرض اجمل ما عنده ويخبي عيوبه على قد ما يقدر ودي بتبقى فترة استعراض قوة وجمال وكل حاجة بقا عشان تجذب الطرف التاني و بعد الانجذاب بتعيشو بقا رومانسيات وافلام حب و عمرو دياب وتامر حسني و كل الحاجات الحلوة دي بس افتكر ان دا ( مش واقع ) ومتقدرش تستمر في الحياة دي اكتر من نص سنة او سنة بالكتير ! بتكون لسة منبهر بنظرة عينيها و رسمة حواجبها بقا ونايم صاحي بتحلم بيها ودا طبيعي بعد فترة بقا ايه اللي بيحصل؟ اولا الانبهار والسحر دا بيروح يعني هي بتبقى قاعدة جنبك بنفس العيون الزرقاء والشعر الذهبي الفاتن وانت برضو عادي يعني ايه اللي فيها ولا في اي حاجة ، هل دا معناه ان حبك قل؟ ابدا والله لسة بتحبها بس انبهارك الاولي دا خلاص راح ودا شيء طبيعي لكل حاجة في الحياة مش بس علاقات. ثانيا كل واحد بقا بيرجع لنمط حياته الطبيعية ومسؤولياته وشغله،اه بنحب بعض بس خلاص بقا مش هنسيب الحياة ونحب بس ٢٤ ساعة