منذ 4 أياميشعر بـ منزعج
السلام عليكم ورحمة الله وبركاته عاملين ايه بيحصل حاجة باخد بالي منها علطول ان لو حصل مني اي حاجه يعني ماما لازم تعاتبني ادام اي حد يعني معندهاش اوبشن انه بيني وبينها وكده فاهمين وبحس ان احنا دايما بنبقى محتوى اي قاعدة بكره الموضوع ده بجد يعني مثلا دي مش بتعمل دي علطول قاعدة على الفون ده فيها وفيها مش بحب الطريقة دي وحرفيا الفكرة انها كده مثلا مع مراتات اعمامي حرفيا ممكن اكون بيشوفهم كل يوم في اوقات الموضوع بيبقى بالنسبالي محرج علطول باخد الموضوع بهزار وبتاع بجد بس انا بجد ببقى مضايقه المفروض تكبرنا ادام الناس فاهمني بجد الفكرة انها مش بتاخد بالها من كده الموضوع بيعصب جدا بجد
وعليكم السلام ورحمة الله وبركاته الحمدلله شكرًا جدًا على سؤالك، وإنتى ؟ حقك تكلميها طبعًا فالموضوع خصوصًا إنه إتكرر كذا مرة فمواقف مختلفة مع قرايبكوا وكون إنها مبتاخدش بالها فـ ده مش عيب منها هى مش عارفة اية اللى جواكى فـ لازم تتكلمى معاها بس اختارى التوقيت والمكان ونبرة الصوت الصح من حقك تعبّرى ومن حقها تفهم بنتها بتتحرج من إية (طريقتك وأسلوبك هى اللى هتخلى ماما متعملش كدة تانى)
نفس المشكلة بس مع اخوات أمي ومىاتات أي حاجة حاجة تخصني بتبثا حديثهم وتناقشهم فيهم طب هما مال أهلهم يعرفوا عني حاجة ليه؟
ممكن بكون قصدها تشيل العين عنكم ف بتقول عيوبكم وممكن قصدها تشتكي فعلا وعامة في الحالتين غلط لان زي ما بتقولي المفروض تكبركم قدام الناس ف انت قوليلها الكلام دا وقوليلها لو حاسه مني اي غلط او زعلانه مني ف اي حاجه قوليلي ومتقوليش قدام حد واظن هتفهمك يعني وعامة هي بتحبك ومتقصدش تزعلك