انا هتخرج بعد سنة ومش مبسوطه نهائي ، الواحد مش حابب يحضر حفلة التخرج ولا اي حاجة خالص اعتكف مع نفسي وخلاص ... وجوايا شعور تاني انه لا احتفل واعمل اللي ميتعملش عشان اكسر فلانه وفلان وفلان يشوفني ومعرفش اي لكن الواحد مش مبسوط بجد .. لا المكان كان مكاني ولا رفاق رفاقي وكله عبث في عبث حقيقي لكن الحمدلله .. انا مش موقفه طموحي علي تخرج وخلاص انا جوايا احساس ان لم احقق شيء بعد ولم استفيد شيء بعد لم تنتهي القصة بعددد !!! فعلا حاسه كده وانا نفسي اشتغل بعيدا عن المؤهل اصلا وتدريس ووجع دماغ .. يعني ربنا يكرمني اكيد .. بس انا احتفل ولا محتفلش الواحد حقيقي راضي بس حزينة حزينة جدا والله ، احساس بالتوهان من اول يوم لاخر يوم لسه سنه بس حقيقي جوايا شعور عكس اول لحظة عايزة اتخرج في اسرع وقت بل بالعكس حاليا بقول بشويش بشويش لسه بدري مش عايزة اتخرج بجد يا جماعه عايزة اعيط والله ، وغير كده انا اصلا كنت لوحدي ومعارف سطحية بحته وكل واحد ملهي في حاله الواحد حزين من كل الزوايا بجد مش عارفه اخد قرار ، مش عايزة اعيش متعه لحظية علي مافيش عايزة متعه بفرحة بحق وحقيقي بس الواحد محتار بجد ، في عيون لازم اهزمها وبردو مش مبسوطه
طالما حفلة التخرج مش هتفرحك لنفسك بس عايزة تغيظي ناس تانية ف من رايي بلاش احسن، اصل الناس التانية كده كده هيجيلهم وقت وينسوا كل حاجة وانتي هيجيلك وقت وتنسي كل حاجة ان شاء الله برضه وتنسي كل الاذى والارهاق و التعب النفسي اللي وصلك للمرحلة دي، المهم هي راحتك ف طالما حفلة التخرج مش هتريحك لذاتك ف عادي وجودها زي عدمها اما بالنسبة لانك مستفدتيش حاجة من الكلية ف احنا لسة بنبتدي حياتنا مش العكس، المفروض اننا في مصر للاسف بنتحط في خانة اننا لازم نعمل كل حاجة و نظبط نفسنا من دلوقتي انما في العادي انتي لسة قدامك الحياة كلها تختاري براحتك من رأيي، انه الكلية مجرد انها بتبني اساس لحياتك مش اكتر و حاليا، انتي ك شخص ب اراءك و معتقداتك و تجاربك، استفدتي بسنين الكلية فعلا، وبعد كده هتقدري تاخدي ثمار تعبك طول سنين الكلية
ابقي اعملي حسابي في تذكره لحفله التخرج ..
كل دا بسبب اللي قولتلك عليه .. براحتك