اعذريني لو هختصر المشكله كلها في موضوع ان حد يسمعني لكن للاسف المساحه هنا ضيقه جدا ايا كان مرجعك الثقافي او اديني احنا مخلوقات اجتماعيه زي ما بنحتاج حد يسمعنا بنحتاج نسمع حد ولكن من كتر المشاكل اللي احنا بنبقى فيها ومن صعوبه ان احنا نلاقي حد يسمعنا ما بنبقاش مستحملين نسمع حد لكن البدايه الحل المشكله هي اني اسمع حد ولحد ازاي لازم يبقى حكيم هقول لك على مواصفات حد تدوري عليه وده بالاجماع في كل العلوم الشخص ده بيكون شخص محب ومعتني وعطوف وحكيم ويمكن ان يعيدنا الى الصواب والاهم من كل ذلك ان يكون اقوى من انفسنا وارجو انك تركزي على صيغه الجمع لانه شخص يكون قادر انه يعمل كل ده لكل المخلوقات والكل البشر تفاصيل اكثر من كده للاسف مش هقدر اكتب مش عشان حاجه عشان مساحه الكلام

الناس بجد بقت وحشه اوي أنا وصلت التلاتين اهو والله من كتر ما الناس وحشه بقيت اخاف اتكلم مع حد اصلا ف الواقع

اتفق معاكي بجد لحد م وصلت اني مسحت كل البوستات اصلا ومبقتش حتى عارفه احكي مشاكلي هنا. مش مشكله ان شاء الله تلاقي حل أو حد تقدري تحكيله مشاكلك منغير م يحكم عليكي عشان الموضوع مقرف بصراحه

احكي متكتميش في نفسك وربنا يصلح حال الجميع

بصي احكي و فضفصي و طلعي كل الحزن اللى جواكى و ريحي قلبك و تفكيرك نا بجد بحس اننا لما بنحكي و حد يقرألنا او يسمعنا بنرتاح حتى لو ملقيناش حل للمشكله بس الحمل و الضغط بيخف و الكومنت الحلو اتعلمى منه و الوحش ارميه فـ اقرب باسكيت وكبري دماغه منه

الناس علي السوشيال ميديا بقت بشعه و قليله زوق و هجوميه لمجرد الهجوم

صعب الناس تصفي لبعض

الناس بيكون جواها سموم للاسف

أنا ممكن أسمع من غير أحكام