انا مش عارفة أشرح إزاى ان انا مش عارفة اكون مبسوطة.. مش عترفة أعمل دا ازاى.. مفيش حاجة معينة ممكن أعملها أقدر اقول انها هتفرحنى .. اى حد لما بحكيله اول حل بيجي ف باله انى لازم أخرج وان الخروج هيخلى نفسيتي تكون أحسن.. بس دا مش حقيقي انا وانا برا البيت بكون مخنوقة جدا وعايزة اروح بسرعة ولما بنزل بنزل بصعوبة كأنى متكلبشة.. شعور اللغبطة دا عندى من قت كبير من أيام م كنت فالكلية كنت لما بخرج مع صحابي او اى خروجة بشكل عام دايما كنت ببقى سرحانة وتايهة.. مفيش أكلة معينة بحبها .. مكان معين بحب اقعد فيه ..شخص مفضل بحب أتكلم معاه .. كل حاجة بتبوظ مفيش حاجة واحدة بتكمل ف حياتى بشكل طبيعى.. حتى فكرة الشغف فالحاجات الى بحبها بعملها شوية وبكون متحمسة فالاول وبعدين ببطلها لدرجة انى بهرب تماما .. الشعور دا بيزيد وبيبقى أسوء مع الوقت وانا عارفة ومدركة ان عمري بيضيع وانا بتفرج عليه ..حاسة بالعجز حاسة ان جوايا ميت .. حتى المكان هنا اعتقد دى اخر حاجة هكتبها هنا لانى تعبت من كتر م بحكى انا حاسة بايه .. وعارفة من جوايا انى مش بدور ع حل ومش عارفة ليه انا مش بدور ع حل لكن انا فعلا معنديش طاقة.. هل الى انا فيه دا استستلام وسلبية ولا غصب عني .. حقيقي مش عارفة !!..