منذ 2 ساعاتيشعر بـ قلق
ازيكم يا جماعه محتاجه اتكلم ف موضوع او مشكله شاغله دماغي وبفكر فيها كتير اوي ....انا متقدملي شخص هو كويس دينيا واخلاقه كويسه جدا بس عنده مشكله معينه كدا وانا مش قادرة اتقبل المشكله دي ف عشان كدا رفضت بس اهلي بيضغطوا عليا وعايزني اوافق وبالذات ماما واختي وبيقعدوا يقولوا كلام بصراحه يجرح ويخليني افكر تاني واحس اني هوافق عشان خاطرهم هما مش عشاني وحاجه كمان وهي اني خايفه ان قطر الجواز يفوتني زي ما بنسمع ف مجتمعنا وعماله اقول لنفسي طب ما اقبل وخلاص بس انا عارفه ومتأكده اني هكون موافقه غصب عني انصحوني بجد مش قادرة اركز وعماله بفكر كتير وانا اصلا امتحاني بكرا مش عارفه اذاكر حاجه😭
متوافقيش لا
لا طبعا متوافقيش انتي دا شخص هيعيش معاكي طول عمرك يمكن اكتر ما قعدتي مع اهلك كمان انتي الي هتعيشي معاه مش اهلك وحوار قطر الجواز دا نصيب ونصيبك هيجيلك لو صليتي استخاره ومارتحتيش يبقا خلاص نصيبك حد تاني
هو مين اللي هيتجوز علشان يقرر؟؟ الحاجة اللي فيه لو مش متقبلاه ارفضي وحوار قطر الجواز يفوتني دا ايه اييييه بجد في حاجة اسمها نصيب متقلقيش 🫶🏻
قطر الجواز يفوتك احسن ما تتجرجروا في المحاكم بعدين
شكرا بجد ليكوا🫶🏻
تحبي القطر يفوتك ولا يدوسك..؟؟ هوا مفيش حاجه اسمها قطر الجواز يفوت بس مجتمع متخلف هنعمل اي
صلي استخاره والخيره في ما اختاره الله
ماتوافقيش ادام مش متقبلة ده ونصيبك هيجيلك ف وقته ماتستعجليش على حاجة هيجيلك ناس تانية واللي انتِ محتاجاه بإذن الله
متتجوزيش غصب عنك وطظ في راي اي حد دي حياتك انت