دلوقتي في اكتر من حاجة مضايقاني خطيبة اخويا كويسه وانا بحبها وكويسه معاها ، بس لقتها عاملالي ميوت من استوريز بتنزلها بدون سبب يعني اكتشفت ان فكرتها عني مش اني اختها اخت خطيبها وخايفه اروح اقوله ، وعشان بيتقال اني قريبة منه وبحكيله كل حاجة لكن انا مش للدرجة اللي كل بوست او صورة او فيديو اكلمه واقوله تقرير مفصل اكيد انا مش كده وحاجات بعديها وبتفاعل مع صورها في صمت وحصل حاجة قبل كدا وخلت اختها تمسحها بس انا كنت شوفتها وسعتها انا اصلا استغربت اللي هو ليه يا بنتي انا اكيد مش فاضيالك للدرجة واروح اقوله الحق يعني انا مش كده والله انا ما كده بس بجد زعلت ... نقطه تانية المفروض انها هتروح فندق وقالتلي اجي معاها بس وقتها اتفاجئت انها بتقولي انا رديت ماشي عادي مافيش مشكلة ايوه تعالي بعدين اختها لقتها بتبصلها وتريقه ع كلمة مافيش مشكلة عادي ههه وضحكوا بس انا مفهمتش الضحكة دي معناها اي بس انا مكنتش مرتاحه بعدها كنت تمام في بالي اروح معاهم وفرحانه وكده ، بعدين مش عارفه بعد الميوت والحركات التعبانه دي حسيت انه مش هكون مبسوطه لو روحت هناك وبذات مش هكون مرتاحه خصوصا ان انا معرفش غيرها واعرف اختها بس الباقي علاقتي بيه سطحية يعني حاسه ان انا ماليش لازمه او انا هبقي متوترة ، وبقول افضل ليا ابقي في بيتي اروح بس السيشن وخلاص .. يعني حاسه اني هبقي عزول لو روحت الفندق مش عارفه حاسه احساس مش حلو ، مع ان من جوايا كنت مبسوطه اللي هو كان نفسي احس اني قريبة للعروسه واساعدها وافرحلها زي اختي واكتر بس مش عارفه كل دا اتحول ليه ، حاسه مش عارفه اخد قرار اخويا قالي روحي وبراحتك خالص واللي انتي عايزاه بس انا مترددة وحاسه انه هبقي مزنوقه معاهم في العربيه او ممكن خطيبة اخويا عايزة تجيب حد تاني مثلا من اهلها مش عارفه صراحة بس انا زعلانه بدون سبب وشعور بالخنقة ... انا حاسه ان هي مش شايفاني اختها