منذ 14 ساعاتيشعر بـ عادي
الواحد عنده مشكلة في الاحساس ! في الشعور بمعني أصح مبقتش عارف امتي احس بشعور للموقف ومبقتش فاهم نفسي وحاسس اني شخص فاضي اجوف لا يفيد ولا ينفع ولا عارف اعبر عن اللي جوايا ولا قادر اكون أنا ، ربما يكون ده بسبب اني في طريق التعافي من المخدرات وربما غير ذلك
ربنا يعافيك و يروق بالك
بس يعني علي قد ما تقدر جاهد في موضوع تعافي ده و صدقني هتبقي احسن بكتير بعد ما تتعافي و عاش اوي انك اخدت القرار ده و لسه مستمر فيه و ربنا يقويك يارب و احنا بنشجعك و معاك علي قرار ده
والله مبسوط ليك إنك بدأت طريق التعافى.. التعافى قرار مش سهل أغلبنا بيكون متخيل إن التعافى عبارة عن لحظة هتغير كل حياتنا للأحسن بس الحقيقة إن التعافى ليه تمن (cost) التعافى محتاج صبر التعافى محتاج مجاهدة التعافى محتاج انشغال التعافى محتاج صُحبة التعافى محتاج رحلة التعافى أصعب من الإدمان لكنه على المدى البعيد بيشفيك…. لكن بالبطيئ حاوط نفسك بأشخاص يساعدوك، يدعموك، يهونوا عليك
اول خطوه حلوه منك انك بتتعافي من المخدرات ودا كويس كده التوهان والتعب اللي عندك دا عامل نفسي جواك لانك بتتعافي من شي وابليس بيحاول يرجعك له تاني حاول تشغل نفسك بالقرآن والصلاه وحاول انك تصاحب صحاب صالحين روح تجمعات وتفاعل مع الناس او انزل عمل تطوعي ولما تتعافي ان شاء الله اشتغل وابني حياتك انت قوي وتقدر تعمل كل شي