في حاجه مزعلتني من نفسي اوي يجماعه هو اني مبقتش عارفه اقعد مع اهلي زي زمان ايام ما كنا صغيرة بجد بجد يعني يدوب لو بابا جاي من الشغل الصبح و كلنا هنفطر مع بعض بطلع افطر معاهم و ارجع تاني علي اوضتي و هنتجمع كلنا علي الغدا بردو يدوب بروح اتغدي معاهم و اغسل ايدي و ارجع اقعد ف اوضتي مش فاهمه في ايه انا بحبهم جدا والله حتي ان معنديش مشاكل مع اهلي خالص ولا اهلي ناس شداد عليا مثلا بل بالعكس والله الحمد لله بابا و ماما يمكن احن ناس ف الدنيا كلها ربنا يخليهملي ف دي حاجه مزعلاني اوي اوي من نفسي ف نفس الوقت مش عارفه اصلحها مش بقدر اقعد اكتر من كده والله رغم اننا بنبقي ف الوقت ده بنتكلم و نضحك و نهزر مع بعض و حاولت والله و معرفتش بحس اني مش قادره خلاص عايزة اقعد لوحدي بقي ف بجد زعلانه اوي اوي من نفسي و الحوار ده مش مثلا اليومين دول لا ده بقاله حولالي سنتين او ٣ سنين مش فاهمه ايه حصلي
دوسي علي نفسك عادي
فيه مشكله معينه بتخليكي متعرفيش تقعدي معاهم طيب او مبتحبيش الدوشه او ممكن يكون حسد خلي بالك
طبيعي لما بنكبر بنتغير وطبيعتنا وتفكيرنا بيتغيروا بس طالما بتحبيهم تعالي على نفسك وكتري قاعدة معاهم وقربي منهم ومتحسسيهمش انك بتبعدي احنا في امس الحاجة لاهالينا فخليكي مقربة منهم دلوقتي لان بعد كدا بنبقي محتاجينهم ومش بنلاقيهم ومش شرط يموتوا ربنا يديهم الصحة ممكن تتجوزي تسافري لاي سبب فقربي منهم على اد ما تقدري في الوقت اللى ينفع فيه تعملي دا