منذ 6 ساعاتيشعر بـ مرتبك
في الحقيقه مشكلتي إللي هشاركها معاكم نابعة من مشاكل كتير أوي مريت بيها من صغري للآن، شعور الفشل والضياع عملت زي معملتش، عملت كل حاجة وسعيت في كل حاجة وفي الأخر نفس النتيجة = صفر، موصلتش لحاجة للآن بسعى وللآن بحاول، بس مبقتش قادرة أثق في نفسي وإني ممكن أنجح، ومش قادرة أثق في أي حاجة حواليا، كتر الخذلان والغدر خلاني موسوسة، مش قادرة أعيش بشكل طبيعي بجد والموضوع مؤذي فوق الوصف.
سمعت جمله حلوه اوي قبل كدا بتقول ان لو الواحد مش قادر يستحمل الي هو فيه و سايف ان الدنيا كلها واقفه و كدا ربنا عارف و متأكد انو هيعدي الفتره دي لأن لو كان المشاكل دي مش هتعرفي تعديها مكانتش هتتحط قدامك من الاساس ف انتي قويه و هتعرفي تعدي كل دا ممكن اه تاخد وقت شويه بس هتعدي كدا كدا متقلقيش
استني بس وصل علي النبي ليه كل اليأس دا بجد. انتي لو فعلا قادره تعرفي المستقبل كنت هقولك عيطي وليكي حق تحزني. بس ربك قادر يغير الاحوال بلاش اليأس ممكن بكرا حالك يتغير حاجه تحصل جميلة في حياتك نسيكي كل دا. بجد استهدي بالله وبلاش يأس قصتي اصعب بس لقبي العنيده لو بموت مش بستسلم عشان احنا مش مخلقوين للاستسلام