معنديش فكره عن الدين الحقيقي. بمعني ادق قال ربنا في كتابه اسعي ي عبد و انا اسعي معاك يعني اعمل الي عليك و ابدء و انا هبسطلك امورك. في نفس الوقت ممكن انتي تعملي الي عليكي و ربنا ميوفقيش برضو لأنه شايف انك تستحقي اكتر من كدا. بمعني ادق عدم توفيقك في هدف معين لا يدل ع الفشل او ان ربنا اراد كدا زاي م قولتي ممكن شايلك حاجه افضل من كدا بس وقتها مجاش مش عارف الحقيقه قدرت اساعد او لا وهل كلامي واضح ولا لا

السعي لا يعني حتميه الوصول الحياه مش 1+1=2 زي ما بعض الناس مفكره لكن كله توفيق من ربنا و السعي لا يعني أنك هتجيبي الرزق لكن يعني أنك بتمتثلي لأمر الله و في الاول و الاخر ربنا اللي بيرزق بسعيك أو من حته تانيه من غير سعي أنا مش عايزك تزعلي و تقولي انا حاولت و رجعت صفر لأن صدقيني محدش بيحاول و بيرجع صفر هو اكيد بيكون كسبان حتي لو كسب خبره بس و بخصوص عايزه اعرف انا ماشيه صح و لا ماشيه غلط انتي اصلا مش مطلوب منك تعرفي الطريق ده صح و لا غلط لكن مطلوب منك تعرف الطريق ده حلال و لا حرام و هل ده أبعد شئ يجيبه تفكير و اكتر حاجه يعملها مجهودك و لا لا يعني انت او انتي اجتهد و سيبها علي الله و اللي بيرمي كتير علي الهدف بتوفيق ربنا مصيره مره يصيب الهدف أبشري ربك كريم🤍

الفشل مش معناه انك قصرتي بس او ماعملتيش اللي عليكِ .. ربنا مش كاتبلك الخير ف حاجة ومالكيش نصيب فيها مش هتاخديها .. نصيبك هيجيلك حتى لو ماعملتيش حاجة احنا بنسعى ونعمل اللي عليها وكل ده بناخد عليه أجر ، انما لو وقفتي وبطلتي تحاولي اه هيجيلك رزقك بس مش هيبقى ليه طعم ولا هتحسي بمعنى النجاح ف حاجة لانك ماحاولتيش وربنا مش هيساوي اللي تعب باللي ماتعبش، واللي بيستخدك الرزق اللي جاله ف الخير واللي بيستخدمه ف الشر، ربنا انعم عليكي بحاجات تانية كتير وبيعوضك عن تعبك سواء ف الدنيا او ف الآخرة، ف اسعي واعملي اللي عليكي وربنا كاتبلك الخير، يمكن لو جت من اول مرة مش هتحسي بطعم النجاح والتعب اللي تعبتيه زي لو حاولتي كذا مرة، أو غيرتي طريقك وجالك حاجة أحسن من اللي انتِ عايزاها. ..