منذ 2 أياميشعر بـ منهك
انا عندي ١٨ سنه كلمت بنت من سنه و نص و انا حبيتها و اتعلقت بيها و مكنش في مشاكل من ناحيه اهلها لأني كلمت امها و هي وافقت تخلينا نتكلم من كام يوم امها محبتش علاقتنا انا و بنتها و خلتنا نسيب بعض وانا بحب بنتها اوي و مش عارف اعمل ايه لأني بتعلق بسرعه و من كتر ما انا مش عارف اعمل حاجه و بسبب خنقتي بقيت بشرب سجاير مع اني كنت واخد عهد علي نفسي مقربش منها ابدا انا عارف ان دي مش نهاية الدنيا ولا حاجه بس انا مبقتش قادر اكمل و حاسس اني بقيت لوحدي علشان هي كانت بيتي و حياتي كلها انا بجد تعبت
بص هقولك هي البنت ماسبيتكش من نفسها يعني باقيه عليك وبتحبك وانت تعال ع نفسك واقطع معاها واصبر ع ما تجهز نفسك عشان تروح تتجوزها وبلاش تتعلق بحد بعد كدا لان اي تعلق في اي علاقه بيفسدها
ليه دايما بنخلي الشيطان يضحك علينا من أقل حاجة هيا دلوقتي سابتك مش آخر الدنيا يعني وبعدين إنت مش كبير للدرجة اللي تكاد تكون كافيه إن إنت تاخد خطوة يعني مثلا هل هتعرف تتقدملها هتعرف تنقذها مافيش بإيدك أي حاجة ف إنت ليه ماتستغلش النقطة دي وتبدأ تشتغل ع نفسك وتبني حياتك علشان ع الأقل تعرف تتقدملها ده لو كنت بتحبها زي مابتقول يعني وبعدين لو بتكمل دراستك ف إنت أكيد دلوقتي ثانوية عامة محتاج تهتم بدراستك أنت شهادة مش لعب عيال دي سنة هتحدد مستقبلك وبعدين أما انت ك ولد وعملت كده هيا ك بنت مش هتعرف لاتتصرف ولا تعمل حاجة ف إنت خد عهد ع نفسك إن الحركة دي تغير منك تخليك إنسان أحلي مش اوحش بلاش تغير ف نفسك للوحش ممكن يكون كلامي قاسي شوية بس هيا دي الحقيقة اللي المفروض إنت تتقبلها