حاسة انى محتاجة أوشوش نفسي بكلام إيجابي هكتبه هنا.. ف يوم مش بعيد أتمنى يكون مش بعيد هيبقى عندى بيت كل حاجة فيه ع زوقى ..ضوء الشمس ماليه دفا داخلة من شبابيكه الكبيرة.. كل شئ حوليا هيكون مليان سكينة وهدوء وصوت عصافير .. وبرا البيت.. شخص لطيف بيسقى الزرع.. دخل حياتى فجأة فأكتر وقت كان كل شئ ملغبط ..فهمنى بسهولة من غير م احتاج انى اشرح كتير وفهمته .. رتبلى دماغى بمنتهى السلاسة ومحى من جوايا اى خوف.. .. مرة قالى "انى منورة و نوري طالع من قلبي زى شمس مبينطفيش،وقالى ان عقلى جميل وأفكاري ملهاش شبهة وانى كلى ع بعضي زى معجزة مبتتكررش" .. *بالمناسبة عندى مرسم وبشارك كل فترة بلحواتى ف معارض وساعات بكتب *جبت الكاميرا الى كان نفسي فيها صورت بيها اماكن كتير روحناها وعملت ذكريات كتير *كل فترة بفكر أفتح مكان صغير اعمل فيه حلويات بس بكتفى انى اجمع كل الناس الى بتحبنا وبنحبهم واطبخلهم بإيدي.. *وانى راضية جدا دلوقتي ومطمنة ومبقتش لوحدى اخيرا!!. فهمت الحكمة من ورا التاخير ان كان متشالى قصة مش عادية .. يمكن يوم ما تتحقق اقرر احكيها للناس وأكون ملهمة ..او اعيشها ف صمت بعيد عن اى حد.. انا بحب اوى النص دا " في حياتي القادمة ‏سيمنحني الله بيتاً جميلاً ‏لأنه يعلم أنني احب البيوت ،‏سيمنحني نهارات كاملة من السكينة لأنني استهلكت نصيبي من القلق،‏وسيكون هناك كثيراً من الورود والشمس المشرقة ،‏وروائح العطور ‏سيدللنى الله"🩷