هكون بظلمهم لو قولت انهم محاولوش ع اد خبرتهم يربونى كويس لكن الحقيقة انهم تسببولى في مشاكل نفسية كتير بقصد او بغير انا مش بحاسبهم بس ابسط حاجة انى بنت عندى٣١ سنة بخاف اخد قرار عشان مغلطش ولو عملت كدا بيكون قليل جدا.. انى لسة بفتش ف عين ماما عن موافقتها عن اى حاجة بعملها ودا ساعات بيخلينى اعمل حاجة مش راضية عنها او العكس عشان نظرة ماما هى مش مسكالى الكرباج ولكن وقع التأثير النفسي اشد بمراحل .. التشكيك في قراراتك وف عقلك وانتى ليه بتستخدمى عقلك اصلا واسمعى كلام الكبار.. تقريبا انا مختارتش اى حاجة ف حياتى مدرستى مثلا بابا وماما قرروا ينقلونى من انجلش لعربي ومقدرتش اتكلم حاجات كتير .. بتلام كتير من الى حوليا انى لسة بتأثر لكن محدش فاهم ان دا بقى جزء من تكويني ويمكن دا الى مخليني متأخرة ف حاجاات كتير يكاد يكون حياتى واقفة.. لدرجة انى وصلت لقناعة انى موجودة ف الدنيا عشان اخد بالى من ماما وبس من بعد وفاة بابا وانى موجودة عشانها مش عشانى وان دا ملخص حياتى.. مفيش قصة خاصة بيا
هو عشان الكلام ده شبهي لدرجة مخيفة لدرجة اني مش لاقي حاجة اقولها بس ممكن اقول، طبعا انا مش عايز اكون الشخص اللي بيفول او بتشائم او كده بس دي عادتي للاسف ممكن اقولك روحي لأخصائي نفسي ؟ هو الموضوع صعب اشرحه بس هو أأمنلك انك تروحي او اونلاين او اي حاجة عشان الموضوع ميتطورش عامة عشان لو لا قدر الله اتطور انك تلحقي نفسك صعب للأسف تاني، ده وجهة نظري اللي ممكن تترمي في الزبالة عادي جدا شوفي اللي يريحك برضه
عامة بالنسبة للبوست اللي كان نازل انا قعدت عشر دقايق بحاول اكتب حاجة مش لاقي كلام فعلا انا اسف جدا والله اني مش قادر اساعد في حاجة او اقول حاجة كان القرد نفع نفسه عامة 😅
اهم حاجه رضا الوالدين وهما عملوا من خوفهم عليكي الاهم بقا انتي محتاجه دلوقتي تاخدي اي قرار لنفسك حتي لو بسيط مامتك مهما تعمل متشغليش بالك اعملي اللي انتي عايزاه اللي يريحك افرحي اطلعي من سيطرتهم عليكي