(6) مش عايزة حد يقولى كل دة كلام ارجوكم ... دة الامل الوحيد اللي متشعلقة فيه عشان يبقى فيه هدف ولو صغير لحياتي ..... عايزة بس ولادي يحبوني بجد ... ونظرتهم ومشاعرهم ليا ولباباهم متكنش نظرتي لامى وابى حتى لو في اوقات بسيطة ..... والله مش عشان اهلى وحشين هما حاولوا باللى يقدروا عليه او يمكن كانوا يقدروا على اكتر بس اختاروا الاسهل معرفش ، كل اللى عارفاه انى هحاول ابنى الاسرة والدفا اللى اتمنيته لنفسى عشانهم .... ، عارفة ان الكلام ملخبط ومش مترتب بس مركزتش بصراحة فى اللى كتبته ، وعارفة انه ممكن يبان مثالى زيادة عن اللزوم بس بالنسبالى مش كدة خالص ، كل حاجة كتبتها انا عشت عكسها بالظبط وشوفت تاثيرها عليا ووصلتنى لفين ، وعارفة انى ساعات هقع بس التقدير والقوة من عند ربنا سبحانه وتعالى وانا واثقة فى ربى انه هيقدرنى ويهدينى .

(5) اخر حاجة للامانة مش عارفة هعملها ازاای .... انی اساعدهم يكوّنوا صحبة صالحة ليهم تعينهم على الدنيا وتكون الضمير الحى ليهم في الوقت اللي مقدرش اتواجد فيه انا او باباهم ، هسعى ان هما شخصيا يكونوا صحبة صالحة واضافة حلوة لاى حد يدخلوا حياته ...... وحاجات تااانية كتيير اوووى لاازم اغيرها انااا فاهمة كويس اووى ان كل دة مش سهل وان الواحد غصب عنه بيبقى نسخة من اهله ، فاهمة انى اكيد فى مرات كتيير هقع وهغلط وهعمل حاجات غلط من اللى قولتها واكتر بس انا عندى الجرأة انى بعدها اروح لولادى واعترف انى غلط واعتذر واصلح دة واعمل ذكريات حلوة تمسح الوحش ... هفكر نفسى ديماا انى مش برسم نموذج ليهم يمشوا عليه وان ربنا خلقهم بروح وشخصية مختلفة واجبى انى اقوّمها للطريق الصح مش ادفنها ، هفكر نفسى انهم مش لازم يكونوا شبهى ولا افكارهم زيى ولا يحبوا اللى بحبه ، لكن زى ما هربيهم يحترمونى هحترمهم واحترم رأيهم .... ، انا عارفة ان الطريق طويييل ومستعدة اواجهه من بدااية اللحظة اللى هختار فيها اب لولادى لحد اللحظة اللى اعلمهم واساعدهم يختاروا فيها شريك لحياتهم .. حتى لو اضطريت انى مشتغلش او اني اتابع دكتور انا هعمل ك

(4) مش كل يوم وكل ساعة هفكرهم انا قد ايه بضحى واحرم نفسی عشانهم .... التضحية لما نذكرها بتدخل عقولهم وقلوبهم من باب ذل ومعايرة مش حب ابدااا..... اي لحظة توتر او ضغط في البيت هطمنهم انها هتعدى وافهمهم الموقف على قد سنهم حتى لو فى وقت تانى لكن مش هسيب ذكرى مبهمة جواهم كل ما يفتكروها بخافوا ويتوتروا ... مش هتجاهل خوفهم وقلقهم اللى هيتحفر في عقولهم لو ملحقتوش واحتويته صح. هختارلهم اب كويس مراعى وحنين .. عارفة انه نصيب وقدر بس هعمل كل اللى اقدر عليه عشان اختار اب قادر انه يظهر حبه لولاده ويحتوى مشاعرهم ... ميكونش بارد ولا فى يوم يحسوا احساس ان ابى مش وحش بس هو مش حنين او انهم ميحسوش بوجوده فى حياتهم بالذات البنات . عمري ما هكلمهم عن تقصير باباهم فى اى واجب من واجباته ولا غلطه في حقى انا كأمهم ... حتى لو اضطريت اني اصلح وراه ساعات .... لازم الاب يكون القدوة والمثال الصح لولاده واى فكرة من دول هتتكسر عنه هتشوه نظرتهم ليه وهتكسر الامان بالنسبالهم ....... هعود باباهم يحضنهم ويسمع يومهم كل ما يدخل البيت عشان يتعودوا ان وجوده ليه تاثیر مش زي عدمه ...

(3) هحبب بنتي في الزي الشرعي من صغرها ومش هكتمها في البيت وهعلمها تهتم بنفسها وانوثتها صح .... وهعمل كل اللى اقدر عليه عشان تحس ان البيت بيتها ومكانها ديما وفى اى وقت .. مش هحسسها انها ضيفة لحد ما يجى جوزها ياخدها بالعكس لو حست كدة عمرها ما هتحس ان ليها مكان لا فى بيت ابوها ولا حتى جوزها .....، وهعود الولاد يحترموا حدود اختهم وعاطفتها وان فعلا البنت غير الولد وكل واحد ربنا ميزه البنت بحنيتها والولد بقوامته ورعايته . هعود ولادى يحبوا بعض ويهتموا ببعض لعل ربنا يجعل فيهم خير اخوة وسند . وهعمل كل حاجة تساعدنى انهم يقربوا من بعض. هحاول على قد ما اقدر اعلم ولادى بالذات الشباب ان مشاعرهم مش عيب وحقهم يعبروا عنها ، اكيد مش لاى حد ومش بضعف ولا جبن لكن بمراعاه وفهم ، هحاول يكونوا حنينين عليا وعلى ولادهم وحتى لما يتجوزوا مع البنات اللى هيتجوزوهم . نفسى الشباب بالذات يكونوا حنينين اووى بجد ، بس هحاول افكر نفسى ان كل واحد بيعبر باسلوبه ، يمكن الاحساس دة لانى مشوفتش اى راجل حواليا كدة فنفسى اشوف الصفة دى فى ولادى جداا ..

(2) انا مش بنتقم من ولادى عمرى ما هعاقبهم باني اخد منهم حاجة انا او باباهم جبناها كهدية او ليها ذكرى حلوة في قلوبهم...... الذكرى الحلوة هتفضل حلوة قواعد البيت هتكون واضحة ومكتوبة واى حاجة جديدة زي التاب او التليفون هيكون ليها حدود في استعمالها ووقتها وعقاب واضح لو الحدود دي اتكسرت...... عشان يكون هو اللى بيختار الفعل وهو عارف رد الفعل عليه مش هقول كلمة وارجع فيها ابدا حتى لو هزار عشان ميتعودوش على كدة منى ولا يتعودوا على الكذب ..... وكلمتي يبقى ليها تقديرها منهم . مش هيبقى معاهم فون خاص قبل 14 سنة ، وقبل كدة هيكون معاهم برا البيت بس عشان اتطمن عليهم ومش هيتوصل بالانترنت ، هعلمهم رياضات كتيير ويكملوا فى اللى يحبوه ، مش هقلل من هواياتهم بالعكس هساعدهم ينموها عشان دى اللى هتخليهم يفهموا نفسهم والحاجات اللى بيحبوها ...

(1) عمري ما هضرب ولا هعلى صوتى ولا هشتمهم او اعايرهم بحاجة غلط او ذنوب عملوها ، هعاقب ايوة بس هعاقب بحب وقبل ای عقاب لازم تنبيه وبعدها يعرفوا هما بيتعاقبوا ليه وافهمهم ان العقاب دة عمره ما يقل من حبى ليهم ابدا .... في وسط كل عقاب هقف جنبهم لحد ما يعدوه ، العقاب تقويم مش تفريغ غضب ..... نوبات الغضب اللى بتحصل لما نرفض للطفل طلب عمرى ما هسيبهم يعيطوا ويصرخوا واتفرج او اسيبهم وامشى ، ايوة مش هنفذ اللى طلبوه ومش كل حاجة ينفع يتقال عليها ايوة .. لكن على الاقل هحضنهم اطبطب عليهم لحد ما يهدوا . ولا هسيب ولادى يعيطوا قدامى واعمل مش شايفة او اسيبهم لمجرد انى شايفة انهم بيعيطوا لسبب تافه او انى مش مقتنعة .

(٧) بجد بيرڤكتو ربنا يوفقك يارب و تحققي كل الي نفسك فيه 😇🙏🏻 (٦) لا دا مش مجرد كلام انتي بجد هتوصلي لكدا ادعي ربنا و اهتمي بنفسك و طوري منها + حسيت بجد من قبل ما اقرأ انك نفس العيشه الي عندي بس انا شاب عموما فا حصلتلي حاجات اسوء من كدا من الطفوله و لسه لحد دلوقتي وانا في كليه بتحصل 🙂+ بجد كويس انك فكرتي في تعب أهلك هما اه ممكن يكونو عملولك حاجات وحشه كتير سواء في الكلام بس انتي معصتهمش أو قولتي أنهم وحشين أو انكرتي الجميل بتاعهم 😶 بجد ادتيني امل فيه أن لسه فيه بنات حلوه زيك و تفكيرهم كدا 🙂❤️ (٥) بجد اوف يعني انت انسانه زينا ولا Ai كلامك فوقني بجد و طريقه سردك حلوه 🙃 (٤) بجد ايه دا ماشالله يعني طموحك حلو اوي يبخت الي هيتجوزك🙂✨ (٣)مش عارف اقولك ايه 🙂 انتي مميزه بجد بلاش تحكي لحد كدا ممكن تتحسدي ولا حاجه هزعل انا كدا😕 (٢) هوه مينفعش انا تبقا ابن عندك🙂 انا حاسس اني معشتش حاجه في حياتي و كل كلامك بجد حلو و هيتتحقق ادعي ربنا و بأذن لله ربنا يرزق بزوج صالح يفهمك 🙂😇 يارب الاقي حد زيك كدا🥺 (١) انا بجد مش عايش يجدعاااان😭

هعععع مش بعد ما كتبتي دا كلو اكيد مش هنقرأو انا حاسس بيكي اكيد بتمري بي حاجات صعبه+لسه هقرأ و اقولك😇🗿 لا عادي مش لازم تتأسفي كلنا هنا محتاج الي يسمعلنا و الي يفهمنا بجد مش يقول معلشي أو انتي عايشه دور الضحيه🙄😔 بجد شكلك عيشتي حياه صعبه ربنا يعينك بجد فكره انك مش عايزه تعاملي نفس المعامله لولادك ديه حاجه كويسه جدا و بجد انا مبسوط أن كلام أهلك او تصرفاتهم مأثرتش عليكي بجد براڤو و ربنا هيساعدك علي دا ❤️😇 حسيت اني هدمع في الكلام تقريبا عندنا كدا نفس الأهل🙂بجد كل الي كتبتيه عن ازاي هتربي اولادك بيحصل عكسو في البيت عندي🗿 بصراحه كلامك حلو اوي و عن ازاي هتعملي اولادك كويس و انتي عندك حق في نقطه انك لازم تبقي كويسه في علاقتك بين ربنا عشان لما يشوفوا دا فيكي يحاولو يبقا زيك و يقلدوكي بجد واو يعني كلامك فرحني بجد🙂❤️

حاسس بيكي بجد

فخورة بك جدا جدا جدا 🥹🤏🏻

حاسس بيكي بجد

(7) مش عارفة انااا كتبت كل دة ازاى ومش عارفة حد عنده خلق يقرا كل دة اصلا ولا لا بس لو حد وصل هنا والبوست كدة كدة فرط خالص هقولكم سر صغنن .. اناا نفسى اوووى اووى اخلف عياال كتييير اووى وجوزى يكون كويس وآمنله ويطمنى واقعد من الشغل اربيهم ... نفسى اخلف تمانية مثلا ، او مش نفسى اناا خلاص مخلفاهم فى دماغى وعملت كل حاجة كتبتها فى البوست ليهم فى دماغى كل يوم وكل وقت انا بربى عيالى اللى لسة مشوفتهمش اصلا ، يمكن بحاول اعود دماغى على التصرف الصح من بدرى عشان لما اتحط فى الموقف مغلطش كتيير .. مش عارفة بصراحة ، بس عموما شكراا جداا لاى حد اهتم انه يقرا لحد هنا واتمنى يدعيلى بس والله ولكم المثل وزيادة يارب . ادعولي ربنا يقدرني واكون انا البداية اللى توقف دايرة الاذي دى في تربية بتتورث بدون وعي ولا تفاهم وربنا يهدينا ويقدرنا ويهدى امهاتنا وآباءنا جميعا اللهم امين 🌿🤍❤️‍🩹