سلام عليكم وانا صغير كنت بحس اني غريب عن الكل مش بعرف اتكلم مع الناس واجتماعيا انا مش موجود مفيش خالص ونفسي اتجوز بس مش بعرف اتكلم مع البنات بخاف لتشوفني بنظره تانيه كنت بتعرض لنظره التنمر في كل حته مره اني ملامح وشي غريبه ومره أني متوحد وغريب الأطوار عشان بقعد لوحدي حتي وانا في الشغل بقعد لوحدي اصل فكره اني اقعد مع حد ونتصاحب وفكره الجواز اني اصلا عمري ما اختلطت ببنت كانوا مرتين والمرتين عقدوني في موضوع البنات والجواز بس نفسي ارجع اجرب تاني لعل لما الاقي واحده بتحبني وبحبها ونبقي جمب بعض يمكن داه هو الحل بس فكره اني اتكلم مع البنات اصلا لما بفكر في اللي هاقوله ليها بتبقي صعبه اوي عليا وبرضو مع الشباب عايز اقعد معاهم ونتكلم ونضحك بس بلاقي نفسي بقيت خايف ومش عارف اقربلهم وبقول سيبهم مع نفسيهم لحد لما بقيت برتاح في وحدتي اكتر حتي وانا بقعد مع صحاب ليا بهزر واضحك بس مش بحس بداه كأني انسان ألي حرفيا ومع البنات حتي لما بفكر في الجواز انا اسف في اللي هاقوله طبعا أنا شاب وانتوا فاهمين احساس الشهوه وطبعا خوفي من اني اخد خطوه خلاني 12 سنه غرقان في العاده السريه لحد ما هلكت صحتي وبقت فكره الجواز بالنسبالي مستحيله وفكره اصلا اني اتكلم واختلط بالناس صعبه حاسس اني مش فاهم نفسي أو أني هاقعد كده طول عمري انا عارف اني مش اكتر واحد بيعاني علي الابلكيشن داه بس انا حسيت اني عايز اتكلم وخلاص حتي لو مجرد شخابيط مع الناس بحاول اختلط بس مش عارف ومع البنات عايز اجرب الحب والجواز وواحده تعوضني واعوضها بس برضو مش عارف وكل يوم باكل في نفسي من الجهتين
ملخص كل دا يعنى اشغل نفسك بنفسك وبنجاحك هتلاقى الناس بتقرب منك ويارب ما اكون طولت بس😂
بالنسبة انك عايز تكلم بنات ومش عارف دى لوحدها حاجة جميلة خالص ربنا مش عايز يوديك فى السكة دى غير بالحلال ربنا بعدك عنها فمتقربش انت منها بقا وبالنسبة انك مثلا بتهته فى الكلام او مش تتكلم مع حد وحاسس ان المكان مش مكانك ف هى دى مشكلتى برضو بس الحمدلله اتعافيت منها بنسبه كبيرة اشتغل على نفسك والعب رياضة حتى لو فى البيت ثقف نفسك اقرأ كتب ولو مش قادر ماديأ مثلا ففيه بدائل لكل حاجة دلوقتى على الموبايل وبالله عليك جاهد نفسك انك تسيب العادة السرية دى هى دى اللى بتدمر كل حاجة فى الحياة سواء الصحة الثقة بالنفس الشكل وكل حاجة حرفيا و اهم حاجة اتقرب من ربنا صلى فروضك واقرأ اذكارك حرفيا هتلاقى يومك بيمشى لوحده انا عارفة ان الحاجات اللى بقول عليها دى مش ساهلة بس انت اللى قلت بنفسك عايز تتغير ودى حاجة كويسة اوى والخطوة الأولى فى التغيير للأحسن بإذن الله وبالنسبة للشكل والتنمر دا ف انت فى بيئة غير سوية تماما عايشين حياتهم بالمقارنات مش عارفة بجد اللى بيقول دا جميل ودا وحش فى الشكل ناس غبية جايين من العصر الحجري وبعدين طالما كل واحد حاطط للجمال قواعد حط انت كمان اول ما الناس هتشوفك ناجح هيتلزقو فيك