لو مكاني هتعملوا ايه .. ام ٣٢ سنة لطفلين أكبرهم ٩ سنوات ولد ، وزوج متوفي من ٥ سنوات ، جميلة وشيك ومؤخرا بعض الزملاء كادوا ليا شكوى لكن ربنا برأني والناس كلها بتحبني ويساعد الناس كلها ، لكن بقع فريسة لضياع الونس ماليش أصحاب بنات ، وعشان رجالة العائلتين سابوني اتعامل مع مشاكلي لوحدى من زمان ، بقي كل اصدقائي رجالة دكاترة علي محاسبين .. لاني كنت ف يوم من الايام صاحبة صيدلية كبيرة وبعتها عشان اجبروني علي كده ، عشان الاولاد ، انهاردة انا مضطرة اطلع اشتغل بره بس المواعيد المتاحة صعبة من ٢ ل ١٠ ، مع أن الاولاد ليهم دروسهم واكلهم ، الا اني جدودهم بيتخانقوا معايا عشان اقعد وارعاهم ، ويرمولي الف ف الشهر وخلاص ، احنا ف ارياف لكن عيلة الولاد ميسورين الحال قوى وبيت كبير وجنينة ..... نفسي اتجوز ولما اتقدم لي زميل من سنة الناس كلها وقفت ف الموضوع ، ولسه بيكلمني ويساعدني احل مشاكل الولاد وافهم صح ، لكنه بيتدعي أنه مش هيتقدم تاني الا لما جد الولاد يموت أو ابني يدخل مراهقة ويعمل مشاكل ويطالبوني اتجوز . هل ده منطقي ، قررت اقفل معاه واعود نفسي اعيش اكتئابي ووحدتي وعصبيتي عل ولادى بسبب قلبي الموجوع من الدنيا .. عايزة انزل الشغل ده عشان حتي أخرج بدماغي من تعبي النفسي انا دكتورة صيدلانية بس مشهود لها بالخبرة والكفاءة 😔😔. مش عارفة اعمل ايه