منذ 13 ساعاتيشعر بـ قلق
اعمل ايه لو بعمل كل حاجه في البيت بس دايما امي بتحسسني اني مش كفايه دايما بتقولي ده وحش ده غلط بتستنى لابسط غلطه وتمسكهالي بقيت طول الوقت متوتره ومرعوبه وخايفه اعمل حاجه غلط حتى لو غصب عني ومش قاصداها اتعامل ازاي من غير ما ازعلها وبرضه ارجع احس بثقه في نفسي واكون اهدى وعايشه هاديه مش متوتره ع طول
مضطرة تتعاملي مع الوضع يمكن في مرة تحاولي تتكلمي معاها.. وانتي ادرى بالطريقة والوقت المناسب بس في الاخر المهم انتي تحاولي تهدي نفسك وتتكلمي مع نفسك كتير انك عاملة اللي عليكي وحتى لو قصرتي فاحنا كلنا بشر وبنقصر اوقات كتير وخليكي فاكرة ان مش انتي السبب في طريقة التعامل دي .. دي طريقة والدتك بس
ممكن مش يكون قصدها بس عاوزاكي احسن واحسن فكري ديما بتفائل علشام لو فكرتي عكس كدا هتتعبي
أنا بعاني من نفس المشكله بردو بس بحاول أتعايش مع الأمر الواقع لإن بإختصار اللي فيه طبع مبيغيروش
جربتي تتكلمي معاها. بمعني انك تقولها طريقتك دي بتوترني جدا وبفقد ثقتي في نفسي وهكذا كلميها. يمكن هي مش مُدركه الي بتعمله او مضغوطه اتكلموا مع بعض قربي منها و المشكله هتتحل
حاولي تراضيها بأي حاجة ، جيبيلها هدية ، اعمليلها حاجة حلوة او حاجة نفسها فيها، يعني قربي منها أكتر وخليها تعلمك هي واحدة واحدة فاهمة بحيث ماتبقاش بتنتقدك دايمًا وبتعلمك ..