“أنا داخل أحكي عن حاجة شخصية شوية ومش عارف أتعامل معاها إزاي… أنا بمر بفترة فيها ضغط وتوتر، ومع الوقت بقيت باهرب من ده بطريقة مش عاجباني خالص… بقيت بعتمد على العادة كنوع من الهروب. الموضوع مش واقف عند كده، أنا كمان بقيت أعمل أكونتات فيك وأكلم بنات عشوائي، مش عشان حاجة حقيقية… بس عشان أهرب من إحساسي أو أملأ فراغ. بعد كل مرة بحس بذنب وضيق، وبقول خلاص هبطل… بس برجع تاني لنفس الدائرة. أنا عارف إن ده غلط ومش دي الشخصية اللي أنا عايز أبقى عليها، وعارف إنه بيأثر عليا وعلى تركيزي وحياتي بشكل عام. وفي نفس الوقت أنا بحاول أظبط نفسي وأركز في دراستي، بس المشكلة دي بترجعني ورا كل شوية. فأنا محتار… هل الموضوع محتاج إرادة وانضباط بس؟ ولا في حاجة أعمق أنا مش واخد بالي منها؟ ولو حد كان في نفس الدايرة دي قبل كده… إيه اللي فعلاً ساعده يطلع منها؟”