منذ يوميشعر بـ عاطفي
انا عايزه اقول حاجه م عارفه د عيب فيا ولا مشكله ولا د حاجه عاديه انا حد بيعرف يعبر عن ال جواه بشكل تفصيلي ممل للناس ال حواليا، م عارفه فهمتو ولا لا، هوضح يعني لو مضايقه من حاجه بعرف اوصف شعوري بالمللي وبعرف ارتب الكلام وكل حاجه واتكلم بأسلوب كويس وكل حاجه بس بحس اني بقول كلام كتيررر جدًا بحس م اي حد عنده طوله بال يفهمني، انا د شخصيتي بس حاسه عايزه اتغير عايزه معبرش عن ال جوايا ولو عبرت مقولش كل حاجه لاني بحس نفسي تقيله ع الشخص ال قدامي بحس محدشش حابب يفهمني او قادر يفهمي
اللي بيعرف يعبر واللي مبيعرفش مش مرتاحين
خير الكلام ما قل ودل خليكى خفيفه عودى نفسك ماتحكيش لا اى حد اتعودى انك تتكلمى كلام قليل
هي دي حاجة حلوة اوي لان طول ما انتي فاهمه كويس اوي انتي حاسه ب ايه او ايه اللي مدايقك ده هيساعدك تحلي المشكله و ممكن يبقي فيه ناس تزهق من أنها تسمعك بس اكيد فيه ناس هتحب ده وهتبقي مهمته فعلا تسمع وحتي لو محدش دلوقتي مهتم تقدري تحكي مشاعرك بالتفصيل فكراسه مثلا وكدة تبقي خرجتي اللي جواكي متغير ما تحتاجي حد يسمع
هي حاجه حلوه حدا ليكي انتى بس متوصفيش بامللى اوي حاوللى تختصري شويه عشان الل بيسمع ميملش برضو 🤷🏻♀️
بالعكس والله انا بحب افهم الشخص اللى قدامي ايه اللى جواه علشان نريح بعض وانا عامة كدا حتي لو مش اوي كتفصيل بس بحب اشارك اللى انا حاسه دي نعمة كبيرة على الاقل سواء كتابة او كلام مع الناس تعبيرك عن نفسك يخليكي عارفة تخرجي مشاعرك وتهدي كتير من ناحيتها اه مش كله بشكل مطلق يتحكي بس على الاقل خليكي مع الناس اللى متاكدة انهم بيحبوكي بتحكي زي ما انتي كدا علشان ترتاحي اول باول واتمني بجد يبقي في حياتي حد زيك
هو ده اصلا شيء كويس انك بتعرفي ترتبي كلامك و ميزة حلوة بس حاولي بعد كدة تركزي على المهم لما تحكي الحد ومتقوليش اصغر التفاصيل
طب م ده حلو اوي مش زي الناس التايهه