ومن أعرض عن ذكري فإن له معيشة ضنكا تارك الصلاة يندرج تحت البند ده والضنك ده هو الضيق والهموم اللي حضرتك حاسة بيها دلوقتي ف ايوه ترك الصلاة يتسبب ف اللي بتحسي بيه دلوقتي أما بالنسبة أن في ناس بتصلي ومع ذلك عندها مشاكل ف ده بيكون ابتلاء من الله عز وچل ليهم مش اكتر لكن وضعهم مختلف عنك

ترك الصلاة ممكن يسبب هم و حزن شديد طبعا فكرة انك بعيد عن ربنا يعني مش تتوكل عليه يعني مش عارف تسلم امرك لله لانك ناسي ده بعيد عن الدعاء بعيد عن طلب العون من ربنا فهل ده ممكن يؤثر ؟ اه طبعا و ده ساعتها نعمة من ربنا عشان يذكرك انك ترجع ليه و تكون معاه شفت ناس ممكن يكونو في شدائد اكبر من اللي بتشعري بيها لكن نفسيا ممكن ميكونش تعبان اوي كده بسبب انه ربنا لكيف بيه و انه بجد متوكل على الله هل ده معناه مفيش حاحة اسمعا مرض نفسي ؟ لا طبعا في و ممكن تكون تقي و متدين و مصاب بمرض نفسي او اكتئاب او مشاكل و قد تكون محتاج لعلاج او كذا ده مش عيب ولا ضد انه ترك الصلاة و البعد عن ربنا سبب للتعاسة و الهم و الغم زي كده اما اقولك و لله المثل الاعلى كل اكل صحي و اعمل رياضة عشان ميجيلكش امراض خبيثه و لا سرطانات و هكذا هل ده معناه انه محدش رياضي جاله امراض لا في كتير عل ينفع انه اقول اذا ترك الرياضة مش بيفرق في صحتك او مش بيشيل عنك فرص الاصابة بالامراض ؟؟

اها خلينا نفصلها صح الصلاه هيا مش مجرد حركات هيا بردو بتكون فيها جزء روحاني فا فعلا اللي بيصلي مبيكتئبش و اللي بيكون قريب من ربنا مش بيياس مش بيفقد الامل بيبقي راضي و مقتنع ومطمئن جدا لكن اللي قريب بجد و اللي بيصلي عشان هوا بيحب الصلاه مش بيقضي فرض عليه وخلاص عاوز يخلص فا الصلاه ليها حلاوه فعلا مستحيل تتوصف هتلاقي مع الوقت ان راحتك في الصلاه اول متسمعي الاذان كد تحسي براحه رهيبه انك هتقابلي ربنا و تدعي وتقولي اللي نفسك فيه تمام كده وضحت لكن فنفس الوقت لابد من العلاج يعني الاكتئاب او ما الي ذلك دا بيكون تغير هرموني وكيميا الدماغ و يمكن كمان يكون بسبب خلل في عضوو من اعضاء جسمك ودا بجد فلازم علاج مينفعش حد يجي يقولي انا عاوز انت.حر او مكتئب وعليه اعراض اكتئاب وقوله روح صلي يعني هوا اه لازم يصلي كد كد لكن فنفس الوقت لازم علاج او ع الاقل كشف يطمن

ربنا يكون في عونك ❤️ عندك مشكلة نفسية و اهل غير متعاونين و للاسف ال Gaslighting اشتغل و حتفتكري انك السبب كمان و الناس تزايد عليكي في الكومناتات لو تقدري تروحي من ورا اهلك روحي