راجعت بوستاتي هنا، لقيت 90% منهم هجومية كلها غضب وهجوم ضد افكاري وضد الناس، رغم اني في الواقع مش كدة تماما ولو حد يعرفني فيس تو فيس هيبقى فاهم دة، بس باجي هنا أطلع كل افكار الكره والبغض على نفسي وعلى الناس مش فاهم ليه بعمل كدة، برضو لما بعمل دة بساهم في اني ادي غيري طاقة سلبية وإني اخلي يومهم أسوء اكتر لما يقروا كلامي ومش فاهم ايه المغزى من اني اعمل بوست اطلع فيه كل افكاري ما الكبت طول عمره حلو جلد الذات هينفرد بيا دلوقتي وهدخل معاه ماتش انا مش قده عادي وهتهان لما نزلت اصلي الفجر كل ما افتكر صوت الشيخ ببقى هعيط، سمعته كتير قبل كدة وصوته حلو عادي بس حرفيا أي حاجة بتلمسني دلوقتي مش فاهم ايه العبط اللي انا فيه دة وامتى هبطل عشوائية في دماغي وامتى هبطل تفكير سودوي اوي للدرجادي انا كرهت دماغي انا ببغضها حرفيا بجد لدرجة اني والله وانا بدعي في الصلاة لا إرادي قلت يارب انا بكرهني جدا والله وبعدها حسيت اني قلت حاجة غلط قعدت استعفر كتير مش عارف المفروض اعمل ايه غير اني انام إنجازاتي بتقف حاليا رجعت تتراجع تاني وهرجع أقف حسبنا الله ونعم الوكيل فيا
{ فَاصْبِرْ عَلَىٰ مَا يَقُولُونَۖ وَسَبِّحْ بِحَمْدِ رَبِّكَ قَبْلَ طُلُوعِ اِ۬لشَّمْسِ وَقَبْلَ غُرُوبِهَاۖ وَمِنَ اٰنَآءِےْ اِ۬ليْلِ فَسَبِّحْ وَأَطْرَافَ اَ۬لنَّه۪ارِ لَعَلَّكَ تَرْض۪ىٰۖ } [سُورَةُ طه: ١٢٨] لعلك ترضى اي أنك سترضى وسيستريح قلبك ويذهب العبء..ربي يفرج عنك بالتسبيح ..اعطاك الحل ..انا لاحظت هذه الاية وانا أعمل بها الآن ..رأيتها في قصة رجل قال أنه فرج الله عنه بها فذهب ضيق صدره وحسنه وعدم رضاه ..قال رسول الله صلى الله عليه وسلم(كلمتان خفيفتان على اللسان ثقيلتان في الميزان حبيبتان للرحمان . سبحان الله وبحمده سبحان الله العظيم ) (هذا هو الحديث وتأكد منه كي لا تخطئ ..وابتعد عن المعاصي فإنها تؤذي القلب وتألمك ولن ترضى مهما حاولت وأنت تسخط الخالق ..ابحث في نفسك وأصلح نفسك الله عز وجل قال ..قد أفلح من زكاها ..أي ربح اللي زكا نفسه ونظفها وجعلها مستقيمة على الطاعة ..أنظروا في أنفسكم وكونو صادقين معها وابحثو في اخطائكم ..لا تشتكو من الداء (المرض ) وأنتم ترفضون الدواء وتعجزون عن المداواة به فذلك الشيطان يعجزكم فوالله إن طريق الله هي الدواء .يريد الشيطان أن يبقيك في الدوامة فقاومه
ممممم اكتر افكارك الوحشه فى ورق و قطعه بدل م تكتبه و تنقل طاقه سلبيه لغيرك متستسلمش اقع و ارجع اقف ع رجلك من تانى عادي كلنا بنقع بس الشاطر الل بيرجع يقف ع رجله من تانى و يفهم هو وقع عليه و يصحح اخطاءة انت م لوحدك الل عندك افكار سلبيه كلنا بس الشاطر الل يتحكم فى افكاره و يوقف نفسه و الل زيك كد بيخليها تتمادى جدا جوه دماغك و تأثر ع حياتك و مستقبلك فكر بإيجابيه و ان شاء الله وقوعك د خير
اعتقد ان اكتر وقت مسموح لنا بحرية في الحياة هو وقت السجود فأنت مفيش حاجة اسمها جملة غلط او دعاء غلط ممكن تقوله طول ما أنت بتتأدب في الكلام مع الله عز وجل أكيد ده رأيي في العلاقة بين العبد وربه وشايف إن الموضوع أبسط بكتير من التعقيد الكتير اللي بيتقال من بعض المشايخ اتمنى اكون صح يعني وبس .