انا في حاله نفسيه صعبه جدا قبل الامتحانات ومحتاجه افضفض عشان اعرف اركز في مستقبلي بذاكر الحمدلله لكن بمر بظروف نفسيه صعبه جدا بسبب اهلي اهلي بيضغطوا عليا بطريقه غريبه ومريبه أصروا علي تصوير ورقه رقم جلوسي وبيانات امتحاني في تليفوناتهم ولما حاولت ارفض واحافظ على خصوصيتي اتهموني اني بحبي او اني مش بقدر تعبهم او مجنونه ف اضطروني في الاخر اوريهم البيانات عشان يوقفوا ضغط ومع ذلك صوروا الورقه بالكامل كأنهم استغلوا الفرصه رغم اني طلبت منهم بوضوح ميعملوش كده انا مقهوره اوي اوي لاني حاسه بانتهاك لخصوصيتي في وقت انا محتاجه فيه اكون اهدي ما يمكن ايه بحاول انشئ واركز في مذاكرتي بس مش عارفه لان وجود صورتها معاهم مخليني حاسه اني مش في امان ومراقبه ليه بيعملوا كدا طالما النتيجه كده كده هتتعرف وهتظهر سواء الاسم او رقم الجلوس ايه المبرر أنهم يصوروا ورقه جلوسي طالما النتيجه كده كده هتظهر بالرقم القومي وهتتعرف للكل وقت تقديم الجامعه انا خايفه كمان يكونوا بيحاولوا يبتزوني او يعملوا بيها حاجه او حد يسرق بيانات انا مش عارفه انام ولا اركز في المذاكره ومقهوره ومخنوقه جدا انا كل اللي طالبه هو الهدوء والخصوصية عشان اقدر ادخل امتحاناتي وانا واثقه في نفسي ومجهودي مش اركز في صور وأوراق ملوش اي لازمه غير الضغط النفسي انا بجد تعبانه ونفسي يحذفوها عشان ارتاح واعرف اكمل مذاكرتي بس مش عارفه اعمل ايه احذفها ازاي لو حد يفهم ف الفون كويس يقولي اعمل ايه
مينفعش اضايق نفسي للدرجة دي فوقت زي دا
ولو متضايقة اوي امسكي تليفوناتهم من وراهم وامسحي الصور عادي
مش ملاحظة انك بتضغطي نفسك جدا بسبب سبب تافه الي حد ما في وقت هو الاهم فحياتك ؟ عادي يبنتي عدي صوروا الورقة عشان يعرفوا النتيجة اللي هي كدا كدا هتتعرف .. بلاش تأفوري في الزعل عشان نفسيتك وامتحاناتك
هيعملوا ايه من وراكى بيه مش بيتعمل بيه اى حاجه غير يعرفوا نتيجتك اهدى كده وبس
اهدى هما معملوش اى حاجه غير صوروا رقم الجلوس ده حاجه عاديه