حاجة وحشة اوي ان اول حد تحس بالحب معاه و الامان و كل حاجة حلوة عمرك م حسيتها مع حد و عمرك مفتحت قلبك لحد ولا بينت حقيقتك و مشاعرك مع حد الا معاه , و الوحيد اللي اتطمنت معاه و اتطمنت ليه و حسيت ان حد بدأ يفهمك و يحس بيك و انت مش منبوذ و مش غريب و يجي منك و تستحق تتحب يبقي اول واحد يخذلك بالطريقة دي ... هو حتي لو اول حد تتخذل منه ف ده بذات اللي هيوجعك و اوي كمان لأن هو كان مصدر الامان ليك اللي عمرك مشكيت ولا واحد ف المية انه هو اللي يوقعك علي وشك بالطريقة دي ، كنت بتعديله الوحش و تعذره كتير عشان بتحب اديت كل طاقتي ليه كنت مستكفية ب وجوده معايا بس و مش عايزة حاجة تاني كان اول مرة احس ان لسه في حب و اني اخيرا لقيت اللي كان نفسي في كنا شبه بعض ف كل حاجة و كنا بنحب بعض و مبسوطين مع بعض و اللي هو في احساس غريب كده ب الانتماء و الدفا يمكن كان مبينا لأول مرة لأننا محسينهوش مع اهلنا ولا ف البيت بس انا كنت بانية حياتي عليه و هو كمان انا كنت معاه اللي فاقد الشئ يعطيه لأن مكنش عندي حد اغلي منه ولا حد اخاف علي زعلو قدو ف كنت بديلو كل الحب اللي مخدهوش , بس هو كان معايا اوقات اقسي شئ هو ف العموم مش قاسي و طيب بس وقت م كنت احتاج حنيته دي و الحب مكنتش بلاقيه و كان بيحصل ده لما اجي احكيلو عن مشاكلي سواء شخصية مع اهلي او صحابي كان بيشوفني مأڤورة و مكبرة المواضيع و الحوارات كنت بزعل اوي اما الاقيه مفهمش شعوري و احساسي ده و كنت بسكت مبعملش حوار بس خلاص اللي هو اعرف عيب اللي قدامك و علم عليه ، ف كنت بشيل الزعل ف قلبي و ليا لواحدس بس اكيد مش هفضل كده ف كنت بتعب كتير عشان كده اخر فترة بينا كانت زعل و خناق و اسيبو و امشي و مكنتش بصارحو ب السبب انا اصلا مبحبش المواجهة ولا بعرف اواجه بمشي من سكات و هو كده كده مبيفهمنيش عادي بقا كل الحلو راح وصلنا ل نقطة مش كويسة بس كنت قررت نبدأ صفحة جديدة مع بعض معنديش استعداد اخسر ولا نخسر بكل الحلو اللي مبينا ، بس اكتشفت انه كان خايني و خبي عليا ده مستحملتش صراحة و مشيت لأنه وجعتني منه حتي لو كانت زمان ف متوقعتش منه ابدا انه يعمل كده كنت مدياله كل الثقة و الامان بس مش سهل عليا ابدا اني اعرف عنه ده ولا ارجع اثق فيه تاني و مش هعرف اعيش ب شك انا عايزة اعيش مطمنة و امان مش افضل اخونلك و اشك و انا كده كده فاكرة و مش ناسية مش هعرف اسمع منه حاجة تاني ولا اسامحه ولا اعاتبه حتي هقولو ايه و مش هصدق كلامو تاني اكيد حسيت معاه بكل حاجة حلوة , بس مش هقدر اقول دلوقتي ان احساسي ده كان متبادل ولا حتي الحب بس يوم مهتحب ولا هتطمن للحب ده و تغير من نفسك و مبادئك عشانو ف اعرف انك عديت الخط الاحمر و هتقع وقعة تنزلك ل سابع ارض هتقوم منها مش عارف انت فين ولا مين ولا حتي هتعرف نفسك و هتخسر نفسك من بعدها و كده كده اتقي شر من احسنت اليه بس انا عرفت الجملة دي بعد متلسعت بس خير