أنا اتسبت فجأة بدون أسباب قبل الخطوبة بيومين ومكنش فيه بينا أي مشاكل وكنا كويسين جدا وأول ما اتقدم كان قالي إنه بيحبني من زمان وكان طاير بيا حرفيا ومزعلنيش مرة لحد يوم ما اختفى كدا فجأة اختفى ومبقاش كلمة وعمل بلوك وخلى باباه هو اللي يكلم بابا وينهي معاه وسابني اتجنن بدماغي ومحدش اعتذر إلا باباه وبعدها مامته وأخته بيقابلوني يلفوا وشهم الناحية التانية وكأني أنا اللي أذيت ابنهم تعبوا نفسيتي جدا جدا وراحوا خطبوله بعدها بشهر بس بيسمعوا واحدة هما اللي مختارينها له ولا راعوا حتى إحساسي وبيقابلوني يبصولي كأني أنا الطرف السيء في الرواية ومحسوش بالذنب خالص!!! ومن وقتها وأنا حياتي متدمرة ونفسيتي تعبانة حتى مبقاش عندي ثقة في نفسي ولا قادرة أفتح الباب لحد جديد وهو مكمل حياته عادي وبيجهز الشقة اللي اختارناها وخلاص قرب يتجوز وحياته ماشية وأنا اللي حياتي واقفة عدى سنة وأنا لسه مآذية وحياتي واقفة لحد ما بقيتش أشك إن فعلا المشكلة فيا أنا أصل إزاي يأذيني ويعيش مبسوط وأنا اللي أفضل تعبانة كدا بجد!
ده ربنا نجدها نوسة و الله 😅 بصي حقك تزعلي مش هقولك لا بس عشان نفسك اوك هو مايستاهلش ولا اهله و حبيبتي الجواز ده عيلتين انتي متخيلة انك كنتي هتعيشي وسط ناس زي دول مالهمش كلمة ؟! احمدي ربنا انهم ظهروا فى الاول خالص مش بعد خطوبة مدة طويلة بيستغلوكي فيها ف عزومات و هدايا مثلا ولا وصلت ل جواز و اطفال تتبهدل بينكم و يكونوا ناس زي دول اهلهم 🤷🏻♀️ بعدين نتى مافيش حاجة تعيبك فى كل ده انتي زي الفل هو مش راجل و اهله ممشينه ف شكراً خليهولهم بقا
ممكن يكون رجع لخطيبته القديمه
يجدعان والله هو اللي ساب وهو اللي غدر واهله اللي طلعوا وحشين انتو ليه بتتعبوا نفسكوا هو اللي مفروض يتعذب او يحس بتأنيب ضمير يعني انتي حاسة بالذنب عشان كنتي كويسة مثلا حاولي تتخطي وهو الطرف الوحش مش انتي وربنا يعينك
فكك مننه راح كلب يجي غزال