أنا اتسبت فجأة بدون أسباب قبل الخطوبة بيومين ومكنش فيه بينا أي مشاكل وكنا كويسين جدا وأول ما اتقدم كان قالي إنه بيحبني من زمان وكان طاير بيا حرفيا ومزعلنيش مرة لحد يوم ما اختفى كدا فجأة اختفى ومبقاش كلمة وعمل بلوك وخلى باباه هو اللي يكلم بابا وينهي معاه وسابني اتجنن بدماغي ومحدش اعتذر إلا باباه وبعدها مامته وأخته بيقابلوني يلفوا وشهم الناحية التانية وكأني أنا اللي أذيت ابنهم تعبوا نفسيتي جدا جدا وراحوا خطبوله بعدها بشهر بس بيسمعوا واحدة هما اللي مختارينها له ولا راعوا حتى إحساسي وبيقابلوني يبصولي كأني أنا الطرف السيء في الرواية ومحسوش بالذنب خالص!!! ومن وقتها وأنا حياتي متدمرة ونفسيتي تعبانة حتى مبقاش عندي ثقة في نفسي ولا قادرة أفتح الباب لحد جديد وهو مكمل حياته عادي وبيجهز الشقة اللي اختارناها وخلاص قرب يتجوز وحياته ماشية وأنا اللي حياتي واقفة عدى سنة وأنا لسه مآذية وحياتي واقفة لحد ما بقيتش أشك إن فعلا المشكلة فيا أنا أصل إزاي يأذيني ويعيش مبسوط وأنا اللي أفضل تعبانة كدا بجد!
غالبا كدة والله اعلم حد بلغهم بحاجة معينة وهما مقتنعين بيها عيشي حياتك واعرفي ان الخير فيما اختاره الله لكي وإن كدة احسن من لو كان حصل نصيب وبعد كدة لا قدر الله كان يحصل انفصال لأن من الواضح كدة إن ده كان كدة كدة هيحصل عاجلا ام اجلا ف احمدي ربك انه جه قبل أي حاجة وأهم حاجة تتقي الله بينك وبين نفسك دائما لانه ربنا قال ومن يتق الله يجعل له مخرجا
صدقينى دا الخير ليكى أنه يبعد
احمدى ربنا ياعالم ربنا رحمك من ايه وكله لمصلحتك
الحمدلله أن ربنا نجدك من ناس زى دى يعنى هما بدل ميطلعوا ناس محترمين ويقولوا الأسباب هو راح اتسحب زى العيال دى العيال مبقتش بتعمل كدا وهو مكانش بيحبك ولا الهرى ده كلهم بيقولوا كدا ف الاول المفروض انتى اللى تمشى رافعه راسك وتبصلهم نظرات تحسسيهم انك احسن منهم وانتى فعلا احسن منهم واتحسبنى عليهم كلهم وسيبك بقا من كدا ده الحياه مبتقفش ع حد فوقى لنفسك كدا وشوفى حياتك و أدى فرص تانيه بس استنى شويه أما تحسى انك احسن عشان متظلميش حد معاكى و تعرفى تختاركى ودا يعلمك أن مش كل كلمه بتتقال نصدقها