أول حاجة بنت و*خة في الحياة هي الحياة نفسها عشان بتسيبنا محتارين فيها كأنها بتتلذذ بحيرتنا دي كأنها مش عايزة تطمنا لازم نفضل نتفشخ ويطلع ميتين أبونا ويا إما ترضى بمجهودنا دا يا إما ترميه مش حتى ترجعهولنا لا ترميه تماما لو ما عجبهاش الحياة عاملة زي بالونة مليانة مياه وكل واحد شايل بلونته فوق دماغه وماشي بيها والمشكلة إن أول ما تفتكر نفسك خلاص عرفت وزنها ومسكتها من بوزها تروح مفرقعة ودالقة عليك كل المياه اللي جواها وياريت بقى المياه دي نضيفة دي كأنها مياه غسيل أو مياه مجاري تمشي انت بقى وكل الناس شامين ريحتك وشايفين هدومك مبهدلة وانت يا كبدي بتحاول تفهم ايه اللي انت عملته عشان تفرقع ما تفهمش... تقول خلاص مش همشي ببالونة ومش هعتبر الحياة دي حاجة بجد تلاقي كل اللي معدي بيديك بالونة شكل. كأن العرف العام بيقول ما ينفعش تمشي فاضي ونضيف يا تشيل بالونة زينا يا تفضل ريحتك معفنة عشان بالونتك فرقعت..