إرهاق

بصراحة أنا تعبت… مش تعب جسم بس، تعب دماغ وقلب من كتر التفكير والزهق اللي ملوش سبب واضح. كل يوم شبه اللي قبله، نفس الروتين، نفس الإحساس اللي بيقولك “إنت واقف مكانك”. أوقات بحس إني مش عايزة أعمل حاجة، ولا عندي طاقة أتكلم حتى… بس في نفس الوقت جوايا صوت صغير بيقول إن ده مش أنا، وإن أكيد في حاجة أحسن مستنياني. يمكن كل اللي محتاجينه شوية هدوء، شوية بعد عن كل حاجة بتضغط علينا، ونفهم إن عادي نزهق، عادي نتعب… بس مش عادي نستسلم. لو إنت حاسس زيي، فإحنا مش لوحدنا ❤️

بنفضل نتحمل فوق طاقتنا لحد ما بيجي وقت منقدرش بنعمل اي حاجه والنتيجه ان نفسيا بنكون مش قادرين نتعامل مع اقل المواقف وبنرجع في الأخر نلف علي دكاتره عشان نقدر نتخطي كل دا وامتي هنقدر نتخطي منعرفش كل الي بيحصل مجرد محاوله

تعبت مش كتر المذاكرة اللي عاليا ، حاسة نفسي بقيت كمبيوتر بحفظ وبذاكر واخش امتحان واطلع من امتحان نفسي اشوف نفسي وحياتي نفسي اخرج من البيت مرحش الجامعة نفسي اعمل حاجة نفسي فيها بس معنديش وقت ، دايما بسعي للمثالية بسعي اني محتجش لحد بس خلاص مبقتش قادرة عاوزة اتنفس

سؤال وجودي ..هنعيش امتى طيب 🤔 عاوزة ارتاح والله من ساعة ما اتخرجت وانا بتمرمط أوي بجد وبقالي كام سنة يعني مش قليلين وكنت بتنقل من شغل لشغل الحمد لله أنا في شغل كويس بس متعب جدا بجد وخلاص بقى الشغل مابقاش رفاهية خالص بس حاسة عاوزة اتنفس شوية اعيش شويتين.. كل حياتي شغل ودراسة لما خلاص بجد تعبت ومفيش وقت ولا طاقة اصلا لأي هوايات او أنشطة تانية فعلا الحمد لله والله .. اللهم لا اعتراض 🤍

انا عاوزه اقولك هو انت لحد امتي هتفضل تيجي علي نفسك عشان المركب تمشي جيت علي نفسك مره واتنين وتالته عاوزه اقولك انك هيجي اليوم اللي المركب فيه بجد هتغرق هو الموضوع مسالة وقت انت الشخص بس اللي ماسك في الموضوع لو الشخص اللي معاك مش بيبذل نفس المجهود علشان المركب تمشي يبقي 60 داهية المركب باللي فيها سيب كل حاجه وامشي لما الشخص اللي قدامك ما بيعملش مجهود انت مش مجبر تعمله انت كمان

حاسس اني لازم أوقف كل حاجة حواليا دلوقتي حالا، مش قادر أواكب كل حاجة بتحصل حواليا، عايز اوقف كل الأنشطة واقفل موبايلي وامسح كل حاجة واخد وقت اسكت فيه المشكلة اني مش قادر اعمل دة، ارتبطت بحاجات لازم تخلص ومسؤوليات مع ناس وفي نفس الوقت عندي فاينل اصلا بعد 3 اسابيع ومعملناش حاجة مش ملاحق على أي حاجة وكل اللي في بالي اني محتاج أوقف الزمن وألغي كل الأحداث اللي في حياتي واختفي أو أموت بس حرفيا بقيت بسلك للحياة عشان اعدي الكام سنة دي وأموت

النوووووم بنام كتير اويييييي وأما بقوم بكون عايزه انام ومش بقدر اركز لا ف مذاكرة ولا ف حاجه خالص مش عارفه اعمل ايه جربت حلول كتير اويي عشان اظبط نومي لكن مفيش فايده حد عنده حل creative اجربه ؟؟ غير الحلول اللي عارفينها !!!؟

انا ولد بس مش بحب اخرج من القوضه كتير ارجع من الشغل اقعد على السرير حتي يوم الاجازه اقعد على السرير بكره القعده مع اهلي بحس بارهاق بسرعه من كلام ابويا غير كده لما نقعد ناكل بكره ان حد يلمسني وبكره ان ابويا يسالني مالك بتعصبني جدا منو الكلمه دي

تعبت من كتر الضغط، من كتر ما بشيل فوق طاقتي وأسكت، ومن كتر ما بدي ومفيش فايده ، تعبت من التفكير اللي مبيهدأش، ومن الوجع اللي جوايا ومحدش شايفه، ومن إني دايمًا بحاول أبان قوية وأنا من جوايا محتاجة أرتاح، تعبت من كل حاجة بتاخد مني ومفيش حاجة بتطبطب عليّا.💔

هاي .. انتوا عارفين الواحد لو يبطل يحس بالذنب تجاه اى حاجة و كل حاجة حواليه هيبقى اخف و احسن بكتير بجد مش هيبقى دايما حاسس انه تقيل و حاسس انه كان لازم يعمل حاجات هى اصلا مش فرض عليه بالعكس دي مسؤوليات غيره اصلا لو رمي من جواه إحساس ( لا لازم اعمل لهم لاااازم اساعدهم و اصل هما مش هيعرفوا يعملوا ده زي ما هاساعدهم) و يخلي كل الحاجات اللى بيقدمها دي لنفسه الوضع هيكون الطف كتير اوي له اصل ف الآخر بيتقال له ماحدش ضربك ع ايدك عشان تعمل لنا 🙂 ولا الاسوء بقا انك تتلام عشان غلطت فى حاجة صغيرة لا تكاد تذكر اصلا او بمعني اصح ماعملتهاش زي ما هما عاوزينها بالملي ( مع انهم اصلا هما نفسهم لو عملوا اللى ساعدتهم فيه هيكون نتيجته اسوء بمراحل بس هو قصر ديل منهم سوري يعني 😂 ) الناس اللى حوالينا بلا استثناء بجد ماتستاهلش اى تضحيات و حرق بنزين جامد عشانهم ف ياريت ماتقدمش اكتر من طاقتك لاي حد عشان يوم ما هتحتاج طاقتك دي و جيس وات برضو مش هتتشاف حلو عشان ضحيت .. هتتشاف ساذج 🙂 ف اعمل لغيرك بس بالمعقول و ماتجييش ع نفسك عشان اى انسان ايا كان مين باي 😌👋🏻

انا بتعب بسرعه جسديا من أقل مجهود حرفيا و مش بقدر أعمل حاجه كاملة لازم أريح في النص لأني بكون تعبت جامد و مش بأفور لا بكون تعبت اوي و مش قادرة أقف و بدوخ ولا بقدر اتنفس كويس، و روحت لكذا دكتور بيقولوا ده مجرد stress و توتر و خدي فيتامينات بالرغم اني معنديش أنيميا او اي نقص في الفيتامينات. حد عندو حل او علاج للموضوع ده؟ لأن أهلي بقيوا بيتخانقوا معايا كتير بسبب الموضوع ده و اني باخد وقت كبير لحد ما اخلص حاجه بسبب اني بريح في النص.

طب اي انا تعبت مش هقدر اني اكمل كد حرفيا كل حاجة فوق دماغي كل ما اقولل هتتحل بتتلعبك اكتر و و الكل مش قابل الغلط مش مستوعبين اني اتحطيت فيها مره واحده وانا مش مستعده و فجاءه و ناس مره واحده تدخلت في حياتنا و ناس بتتعاطف و قرف محدش قادر يستوعب اني مش زي ماما كل ده علشان اتنين مش متوافقين مع بعض و دي تعاند و ده يعاند خلاص انا بموت انا مش بقيت عارفه اشوف حياتي بصحي افكر بنام بحلم و خرا و كل شويه كلام زي الخرا بجد ما في حاجه بتتعدل بتسوء اكتر و اكتر انا بموت...

ليه الناس بتتكلم عن أذى البشر بس محدش بيتكلم عن أذى النفس ؟ اغلب الوقت اعصابك مشدودة، ضربات قلبك سريعة، نومك متلخبط، اكلك عشوائى، الحركة بتاخد منك مجهود كبير كل واحد بيتكلم عن إنه مرهق من علاقة/شغل/اهل بس محدش بيتكلم عن الإرهاق اللى يخليك مش قادر تحدد اسبابه.. كل يوم بيعدى كإنه مراية لليوم اللى قبله.. والمشكلة إننا حاسين إننا كويسين

انا دلوقتي في تالته ثانوي اكتر سنه كرهتها في حياتي بجد معدش عندي طاقه اني اعمل اي حاجه ومحدش في البيت لا مهتم ولا اي حاجه بيفرقو اصلا في المعامله بيني وبين اختي قال ايت علشان هيا تعبانه نفسيا وانا يعني اللي سليمه حتي صحابي بعدت عنهم خايفه افشل وخايفه من الفشل واني اندم في نفس الوقت مش طاقه امسك قلم ولا اعمل اي حاجه عايزا اهرب بجد مش عارفه اعمل ايه ولا اعدي الشهرين دول ازاي بجد

حد يقومني اشوف اللي ورايا معدل استهلاكي في اليوم ع الفون ١٥ ساعه اتعرص عليا شغل بالدولار مع اجنبي في مجال الفريلانسج وفكستله بالمناسبه انا ولد ١٩ سنه اولى كليه علوم🙂 وبحاول انتظم في الصلاة بالعافية

هو اي مبرر اني لنا بقعد اشتغل بحس بدوخة ودماغي بتصدع جزء من مخي بيقلي عدم جدوى الشغل رغم انه شغل مهم جدااا ولازم انجزه عشان فيه حيزبون 😂😂 جوا مستنيني اخلصه فجأة ببقا عايز اشرب سجارة فجأة عايز اعمل اي حاجة عشان اسيبه مخلصوش

مهما اعمل واطلع الحاجه بيرفكت بشوفها قليله واقول عادي بقا كل حاجن بتتعبني وفي الاخر اقول عادي اي يعني لا وكمان اقول كان ممكن تتعمل احسن من كدا ودايما بحس بجلد ذات وتققصير رغم اني بعمل اقصي ما عندي

انام واصحى زي البني ادمين ؟ لالا صحيت بدري اكمل اليوم ؟ لالا انام الظهر واصحي الساعه ١٢ بالليل خد الكبيره بقا في شغل الصبح من ٨ ل ٨ يعني هفضل صاحي بقا طب ما في شغل تاني يوم برضو يعني هاجي انام من الشغل عشان اصحى للشغل لو اطول امسكني دلوقتي وربنا لانفخني بس حظي بقا المهم فكك لسه شارب كبايه شاي مووت

بقالى فترة مش قادرة اعمل حاجة وحرفياً أقل مجهود بقى يتعبني وقعدت من الشغل حتى مبقاش ليا نفس انزل شغل وحاسة انى بزق اليوم عشان يمشى وعندى ارق بقالى شهور مش لاقية اى حل ودماغى حرفياً مش بتبطل تفكير إيه الحل؟

بقالي كام يوم برجع من الدروس وانا ببقا مقتوله حرفيا مش بقدر اذاكر حاجه ولو عندي درس بليل مش بروحه وبنام وبصحا بعد كام ساعه واوقات بصحا ١ بليل مثلا! وبقعد اذاكر تلت ساعات تقريبا وببقا فصلت خالص وبحس اني مصدعه اوي ودايخه وبنام تاني واصحا انزل دروس والتلت ساعات دول الايام دي بقيت بعتبر اني ذاكرت حرفيا فيه ايام مبكملش ساعه وانام تاني بجد ايه السبب مبقتش بلحق اخلص ال ورايا وروتيني بشع

اي الحل بحس دايما اني مبعرفش اطلع نفسي من المِثَاليه عاوز كل حاجه تمشي صح عاوز الناس كلها متغلطش اوقات ممكن اتصب من غلط حد انا مفيش اي تاثير عليا من غلطه اصلا ممكن تبقي غلطات بسيطه الهو مثلا القدامي مثلا نسي ياخد العلاج انا مالي اتعصب لي وممكن تبقي اكبر شويه زي اني اقطع مع اي واحد اعرفه مثلا عشان شرب سجاير او او او مثاليه حتي ف الدراسه عاوز ابقي بذاكر اكتر من كل الناس اجيب اعلي من كل الناس عاوز مثلا لو متعرف علي بنت تبقي مفيش اي غلطات من اي نوع ف كل حاجه عموما المثاليه دي اكتر حاجه مرهقه مفيش قناعه ب اي حاجه ده انا لو جبت ف فاينل او ميد مثلا نقصت درجه لو محدش جاب اعلي مني عادي لو حد جاب اعلي مني دماغي بتشتغل جلد ذات الموضوع مرهق لاقصي درجه

اخيرا اقدر اقول ان بعد 3 ساعات اللي فضلت احاول فيهم ابعت الملفات وصلوا كنت فقدت الامل وقولت بناقص وهاروح انام بس جربت محاولة اخيرة وظبطت بس مش ده الموضوع انا فضلت قدام 4 شاشات 3 ساعات بحالهم ويمكن اكتر فصدعت فاللي عنده حاجة ممكن اعملها للصدع ياريت يقترح عليا وبسرعة عشان وقتي بيضيع 😭😭😭 ملحوظة وصلوا للتابلت الابتوب لسه في الباي باي

تعرفوا ان شخصيه الحساسه دي فطره ربنا خلق في ناس حساسه اكتر من ناس تانيه ب levelsمتفاوته زي حاجات كتير. كمان في ابحاث علميه علموضوع دا فالمهم يعني مش بأيدنا بس انا تعبت فعلا مش عارفه اتألقم موضوع مرهق عموما

كل ما اتعود علي اني لوحدي برجع اتخنق تاني كل مره بقول عادي و ايه يعني هو انا الوحيد ما في ناس كتير كدا برجع احس اني خلاص انا تعبت من الاحساس دا و عادي بصلي و بشتغل و بخرج بس برضو الاحساس بتاع اني لوحد مش عاوز يسني في حالي بقت بتعصب علي حجات تفها و سعات عصبيتي بتطلع علي ناس ملهاش زنب بمعني تأتي مبقتش اعرف اتحكم في عصبيتي في الوقت الي بحس فيه با الوحده الي هو معظم الوقت اصلا بجد انا تعبت

انا شاب انا كلامي بيبقا مؤثر ملاحظتش دا غير ملاقيت الي بيتعرف عليا بيتاثر ويقلدني ويقلد اطباعي ومهما اي حد انتقدتي مبتغيرش غير لو شوفت كلام علماء او مشايخ كبار او ديني بيأمرني بحاجه باعملها دول بس الي بقتنع بيهم الفكره اتعرفت على كتير سوشيال ودايما بغيرهم للافضل بخليهم اقوى نفسيا وميحتاجوش لحد يطورو ذاتهم برقيهم يعني لليفل اعلى بس بلاحظ انو لما بتعامل معاهم بعفويه خلاص باعتبار العشره بيبقو خلاص بدءو يصدقو نفسهم عليا ف بتضطر ارجعهم تاني او اهز ثقتو او احسسهن انهم اقل مني علشان احافظ على شعوري بس الفكره مبلاقيش راحه خالص

نزلت ستوري لصورتي بحاجه الحمدلله انجزتها فيها نجاح وسعاده فالمهم دلوقتي الصورة مكملتش ١٠ ساعات وتعبت جدا جدا حاسس بتعب هيموتني انا غلطان اني نزلت ما كنت كويس وعايش تمام لازم انول يعني ستوري

محدش بيسأل الراجل هو تعبان ليه كل اللي الناس شايفاه إنه لازم يبقى ثابت وخلاص محدش شايف الضغط ولا الخوف ولا القلق اللي بيخبيه عشان بس يبان قوي قدام الكل بيضحك وهو شايل هموم تكفي بلد و بيسند ناس ومفيش حد بيسنده. ولما يتكسرمرة الكل يستغرب ازاي ده وقع مع إن الحقيقة إنه كان واقع من زماااان بس ساكت سؤالي بقى. هو ليه الراجل لما يتعب لازم يتعب لوحده الراجل اللي بيحاول طول الوقت ومحدش بيقوله شكراً ليه محدش بيهتم بمشاعر الراجل زي ما بيهتم بمشاعر البنت؟ الراجل اللي بيخسر نفسه عشان يرضي الكل امتى الراجل يبقى له حق يتعب؟

مش عارفه بصراحه عايزه اقول ايه بس انا حاسه اني تايهه بجد ف حاجات كتيير حاسه اني ضايعه الفتره دي بجد حاسه اني مرهقه بطريقه مش طبيعيه مش عارفه افكر مش اذاكر مش عارفه اركز بقى من احد انجازاتي اني اقوم واتحرك من على السرير يعني اني اخد الاستب واقوم دي حاجه تحفه دلوقتي مش عارفه انا عايزه ايه ولا بعمل ايه مش عارفه اي حاجه

- استبدال المواصلات العامة في مصر بالمواصلات الخاصة هو من الرفاهيات المنسية! من أول إنك تطلب أوبر، أو حتى تاخد توكتوك لوحدك بدل م تتزنق ف ميكروباص حاجة بتحافظ على كم مش طبيعي من الوقت والجهد والطاقة والصحة، وبتحافظ على شكل الواحد يفضل مش مبهدل ونضيف مش مترب ومجهد ولبسه باظ حزينة والله وأنا بقول من "الرفاهيات"، بس المواصلات العامة نفسها غليت بشكل مش طبيعي فعلا، وبقت تعجيزية لشريحة كبيرة.. ربنا يرحمنا برحمته ويرزق الناس كلها عموما، والبنات خصوصا، مواصلات وعيشة سهلة ويسيرة. يارب عربية جي كلاس من حيث لا أحتسب يارب يا واسع )"😭💗💗💗💗🦆

عندي اكتئاب حاد وثنائي القطب ووسواس قهري والحياة ثقيييييلة بعافر عشان ابان للناس اني شخص طبيعي ومش بحس غير بحزن على الرغم من اني متابع مع دكتور نفسي وباخد مضادات اكتئاب .. زهقت بأمانة من نفسي .. زهقت.

تعبت من نفسي جامد جدا بجد بركز ف ادق ادق التفاصيل عملت فيديو دعائي لشركة ما وكام فيديو خطير وجاب ڤيو عالي جدا وكل الناس بجد قالت واووو الإ انا مركزة اتنهدت كام مرة اتكلمت بسرعة ف الجملة دي مخارجي حروفي هنا كان ممكن اقولها افضل وهكذا لغايت ماانفجرت وقعدت اعيط ومش عارفة اتبسط بالنجاح وبفكر امسح الفيديو بعد نجاحه ده كله تعبت من دماغي اوي مبفتش قادرة حتي افرح بالنجاح من كتر ماانا عايزة كل حاجة مثالية بالملليي

اعمل ايه لو انا دكتور العيله وعندي ظروف صحيه ووقفت شغل خاص بس كل شويه معارف او اهل يطلبوا اني اعملهم زياره وجلسه وطبعا دا بيبقي مرهق لأن معنديش عياده وطبعا من غير مقابل مادي وبيبقي الموضوع مرهق جدا عليا خصوصا المشاوير والوقت اللي بيروح بدل مريح بعد الشغل ومهما اعتذرت محدش بيقبل بالعكس بياخدوا موقف ، انا تعبت من الموضوع دا وحاسس اني مرهق ذهنيا وجسديا

انا حاسة اني تعبت اوي والله خلاص معدتش قادرة اعمل حاجة سواء ان كان في دراسة او اني اتعامل مع الي حواليا او اخلي بالي من نفسي او اي حاجه انا فعلا تعبت حاسة اني محتاجة اخد اسبوع اسبوعين تلاته متعاملش مع اي حد و ميكونش مطلوب مني اعمل حاجة بس اكون لوحدي وخلاص و المشكلة ان ده مينفعش انا حتى مينفعش اريح يوم عشان هيترتب عليه ان الي بعده هيبوظ و دايرة بقى و ياريت حتى اني اقدر اقلل تعامل مع الي حواليا او كده لا انا مع ده مضطره اتكلم مع كله كويس و مبينش حاجة و مقصرش ف دراستي او اي حاجة والله معدتش قادره

احب اقول اني كلبه ديدلاين واستاذه فتراكم المواد و اشطر حد يطبق يومين + اشطر حد يغير اجابات فالكويز بعرف اضيع وقتي كويس اوي ممكن ادي كورس كمان لو حد يحب يعني تعبتتتت من نفسي والكلييه و يارب بكره يتلغي بسبب سوء الاحوال الجويه أو كارثه طبيعيه أو الحرب تقوم اي حاجه من ربنا حلوه

الفترة دى مضغوطه جدا والتفكير فوق دماغى مش طبيعي حرفيا مش فاكرة اخر مرة امتى كنت كويسة وصحتى النفسية كويسة علىطول تعبانة ومرهقة ولو فصلت ثوانى عن المود بحس بالذنب حرفيا الفترة دى مشغولة علشان عايزة امتحن الميد وبقدم على كذا حاجه كورسات فى أماكن كويسة بعمل اى حاجه زى ما الناس بتعمل مش عارفه اى الاستفادة بس بعمل زيهم وخلاص بقيت بحس افكارى بقت مشوه بس خير كله بيعدى بس احسن خطوة فى كل ده بحاول اخد معاد مع دكتور نفسى كويس اونلاين احاول افهم مالى حبيت اشارك كدا يمكن احس انى تمام شكرا

هو انا المفروض اعمل اى لما الاقى كل شىء بقا فوق دماغى ومع انى عندى صبر شديد بس حاسه بكميه ارهاق مش طبيعيه من كتؤ المشاكل الى حواليا وكمان عايزه حل للفون علشان مبقتش عارفه اقعد من غيره ثانيه واحده

انا عايز انام ومعنديش تفاصيل تانى اقدر اقولها بس المفروض اصحى الصبح على الساعة 6 ومصدع وبسمع اغانى وممدد على السرير وبكتب وبكلمكم ومحتاج أنى انام ومش عايز ومش قادر ولو منمتش مش هقدر اصحى الصبح وانا عايز اصحى

بقيت عايش مش عايش بنام فوق ال 10 ساعات وبصحى بستنى اليوم يخلص بفارغ الصبر علشان اهرب للنوم وكمان مبقدرش انام وبيبقى عندي ارق وده كلو في أهم سنة دراسية في حياتي تالتة ثانوي مع العلم انا مكنتش كدة خالص في بداية السنة لحد شهر 1 كنت بذاكر فوق ال 8 ساعات في اليوم دلوقتي لو فتحت الكتاب نص ساعة يبقى إنجاز فقدت الامل في كل حاجة

كنت عاوزة اعرف لو حد عنده نفس الحالة دي واتعامل معاها ازاي انا من ١٠ شهور كدة جالي تعب وهبوط شديد ووقعت في الشغل كزا مرة .. وبعد لف كتير وكشف وكدة لقيت ان ضربات قلبي بتتسارع جامد جدا حتى لو مجهود بسيط عملت هولتر مفيش حاجة بس ضربات قلبي بتوصل لأرقام عالية جدا من غير مجهود ..فحاليا ماشية على أدوية تهدي ضربات القلب دي بس كل فترة الدكتور بيزودلي الدوا لانه مش جايب نتيجة ولسه بنهج ونفسي بيضيق حتى مع الكلام الكتير وبتجيلي دوخة وارهاق أغلب الوقت فمش عارفة هفضل كدة لغاية امتى .. ومتابعة مع الدكتور بس لسه مش عارفة حاجة فلو فيه حد مر بنفس الحالة .. ممكن يقول تجربته انا عارفة كل واحد وليه حالته بس يعني اعرف اكتر . لان الموضوع مزعج جدا بجد

ياااااه يا اصدقائي قد ايه الشعور دا متعب ومرهق ممكن يكون حولك اهلك (اقرب حد ليك) لكن محدش فيهم واصل ل قلبك متقدرش وقت تعبك وكسرة قلبك ممكن تجري عليه تترمي في حضنه تبكي لكنه احساس صعب لما يبقي اقرب حد ليك ميعرفش روحك ..

صباحكم طيب او ليلتكم سعيدة، الصراحة مدري هل الوقت يعتبر وقت استيقاظ او نوم، يوم امس كان يوم متعب جدا ليا حرفيا جدا جدا من التوتر والقلق كنت متعبة وانتظر لحظة انهاء التزاماتي حتى اروح انام، ولان اختي الصغيرة كانت مريضة ف ما نمت حتى الساعة 12 بالليل، الان كم الساعة يا جماعة؟ الرابعة إلّا ربع... وش نوضنيييييي! والمشكل مهوش اول مرة، كل مرة هك نكون عيانة بزاف ونسنا لحظة النوم بفارغ الصبر، انا نرقد برك نلقا روحي نضت على الثلاثة ولا الربعة امبعد يا اما نرقد يروحلي الفجر يا نبقا فاطنة ونخرب نهاري بالنوم جتى الظهر...وشنو الحل؟؟، علما اني نبعد الهاتف عليّ وما كان حتى قطرة ضوء في غرفتي، نشرب الماء جيدا حتى لا استيقظ بسببه...ما فهمت وين المشكلة

انا دايما كدة اصلا مش عارفة اقول للأسف ولا هى حاجة حلوة لكن بتعملي مشكلة اني شايفة كل الي قدي في السن مش نفس تفكيري دايما حاسة بسطحية شدية من الي حوليا اصلا انا بقيت كدة بسبب اني تعرضت لحاجات كتير بدري عن سني اوي بدري اوي فاتعلمت و اكتسبت خبرة بدري اوي بردو بس هى شئ مرهق جداا لاقصى درجة لكن بحمد ربنا اني عندي مبادئ و عقلية و حدود من سن صغير واني عرفت اعمل الكلام ده بدري

جمااااعة.... بتعملو ايه لما بتكونو عايزين تنامو؟؟؟ اديلى ساعة بحاول انام وزى ما انا صاحية ومش عارفة اناام 🫠 وعندى سكاشن الصبح 🤦‍♀️... دا انا حوى صاحية بدرى وكنت نايمة متأخر... بجد تعبت من الموضوع دا 😫😫 والمشكلة انو بيشقلب ليا اليوم 🙂

ياااااه كتير اوي، انا تقريبا محدش اتكلم معايا تلت جمل الا وقالي الجمله دي،بس انا عارفه السبب عمتا، انا عشت كل حاجه بدري بصفتي الكبيره، شلت مسؤوليه بدري اعتمد علي نفسي بدري بدئو يعتمدوا عليا في البيت بدري، هه لدرجه اني وانا عندي 14 سنه سافرت من المحافظتنا وقعت في محافظه تانيه بسافر منها كل يوم وارجع لمحافظه تالته لمدره اسبوع كل دا لوحدي، فاعتقد حد عدي بدا طبيعي ان اي حد يقوله ان تفكيره اكبر من سنه

حاسة اني مضغوطة ويومي بقا روتيني بشكل غريب مع اني كنت الاول بحب الروتين بس حاسه اني زهقت من ضغط الشغل مع روتين يوم كله ميتنج وشغل وتخطيط دماغي مش عارفة تفكر ف اي حاجة جديدة خلاص وانا كنت دايما عندي افكار جديدة حاليا بقيت بعمل المطلوب وبس وحتي دا ساعات بتكاسل فيه بطريقة مش عارفة مالي ومضغوطة ف حياتي الشخصية برضو 💔

للاسف دا الي حاسه من يوم ما فهمت من زمان اوي ودا بسببلي تعب نفسي ومشاكل كتير اوي، يعني انت فاهم ان دا. بيضحك عليك عشان انت لسه طفل، او دا الي بياخدك على قد عقلك ومفكر ان عقلك اخره كده، الشخص الي مفكر نفسه مفيش اذكى منه، بس انت ممشيها بس عشان معنكدش طاقه تواجهه

مشكلة السحر بقت منتشرة بشكل بشع وبما انى كان عندى فضول ناحية المواضيع دى ودورت فيها شوية وقريت كتب عن ازاى تعرف السحرة وتعالج السحر والاعراض والقصص دى كلها بقيت بساعد ناس كتير بسبب انى بلاقيهم ماشيين فى طرق كلها غلط وكلها دجالين بس وصلت لمرحلة خلاص مبقتش قادر الموضوع فعلا متعب جدا فبيصعب عليا اشوف حد مأذى من غير ما ارشده للطريق الصح حتى بس الموضوع فعلا صعب والله

شباب هل طبيعي اني اشتغل كل يوم 12 ساعة +4 ساعات مواصلات رايح جاي أنا مش يشتكي بس بسال هل في حد بيعمل كدا ووسط دا كله مطلوب منك تقعد مع أهلك وتشوفهم وتفكر في جواز أو خطوبة وغير كل دا مطلوب منك تطور من شغلك عشان متتركنش أنا حرفيا كل يوم 16 ساعة برا البيت واحيانا ببات في الشغل اكتر من يوم طب أنا كدا مقصر حاسس اني مقصر عشان مش بطور من نفسي مش عارف انا في دوامة بقالي فترة انا تقريبا كل مشاعري استنزفت مبقتش بتضايق من حاجة أو بزعل مش بشوف اهلي مش بشوف حد حتي اجازتي بنامها عشان اقدر اكمل الاسبوع الجديد اللي هيبدا لو حد عنده إجابة يفدني

أنا اكبر حد في اخواتي ولسه في جامعه. بشتغل ف حاجات كتيره جدا. من ونا صغيره كل حاجه اهلي بيقدموها ليا كويسه لاكن دايما كل مشاكلهم بحسها بسببي لحد م كرهت نفسي ومبقتش احبها ومعنديش ثقه ف حاجه اهلي شايفين أن إللي بعمله دا ولا حاجه مع أن الناس كلها بتقول ياريت ولادنا زيك ضغطت نفسي في حاجات كتيره ع مركزش مع كلامهم بس مش قادره وتعبت من كل حاجه من ونا صغيره رافضين أن يبقي عندي صحاب ودلوقتي بقيت ف كل حاجه لوحدي

أنا بقيت بفكر فى الانت.حار بسبب أننا فقراء و أبى ممكن يمشوه من الشغل و غير ظروف العالم اللى تقلق والغلاء وكمان انا دراستى صعبة جدا وده بيحتاج تركيز وانا ساكن فى منطقة شعبية ودوشة جدا غير مشاكل مع أسرتى بسبب أنهم مش قادرين يوفروا لى مكان هادئ اذاكر فيه وانا عندى مشكلة وهى ان انا حساس لأبسط الاصوات وده تاعبنى وانا حاسس بالتعب طول الوقت ومُخى مبيوقفش تفكير لو حد عندة حل ياريت يفيدنى بيه

اعندي مشكلة دلوقتي انا شخص بتحمل كتير و بكبر دماغي اكتر و ممكن اشيل مشاكل غيري و احلها لمجرد أنهم اهلي و مبشتكيش خالص بس حاسس اني اللي قدامي مش مساعدني غبي لدرجة أنها مش عايز ينفذ حاجة بسيطة في مستوي طاقتها هو بس يسكت أو يسمع كلامي (علشان ميعقدش الدنيا و يخلي الموضوع يكبر اكتر مش علشان انا مبسمعش حد غير نفسي) و حرفيا يسيب ليا الباقي هخرجوا من الموضوع كلو و مبسوط كمان بس ينفذ . لما ملقيش كدا بحس اني اللي قدامي ميستهلش و لو سبت الدنيا بلقيها بتبوظ اكتر و الحاجة التافهة بتكبر جامد انا حرفيا زي ركب في قطار ماشي علطول مش عارف انزل و له عارف اخد بريك انا مش عارف اعمل ايه...؟؟؟ للعلم انا سني مش كبير وسط اللي حواليا في اكبر مني و اصغر مني بس مش كتير

مرهق كل م احاول ف اتحاه احسه مش بيكمل لاي ظرف مبطلتش احاول حاليا انا فعلا مرهق من للمحاوله بس مش عارف اقتنع اني ابطل احاول قلبي مش قادر يصدق اني لازم استسلم طب لو استسلمت هعمل ايه مش عارف بس

بنعمل ايه لما بنكون عايزين ناخد اجازه من البشر و من الحياة كام يوم و مش هينفع 🙏🏻نفسي اقعد كام يوم متعاملش مع بشر و اعمل الي انا محتاجة اعمله لنفسي بعدين ارجع تاني بقى قادرة اتعامل

صباح الخير يا شباب بعدين بقا في قلة النوم حقيقي حاجه صاعبه عايز انام مش عارف حد عنده طريقه للموضوع ده يا شباب اللي صاحي ياريت يقول سبب صحيانه دلوقتي قلة نوم ولا شغل ولا صلاة

مش عارفه عندي اكتئاب ولا مستنزفه ولا بمر بأيه بقالي كتير بس بدون اي مبالغه بجد معنديش طاقه ارد او حتي ابدأ اكلم الناس الفي حياتي بقيت بحس تعامل مع ناس مجهود كبير بجد او اكنه تاسك بقعد ااجله لاحسن وقت

النهارده اليوم ال١٢٠ من غير عاده سرية والثبات صعب أوي ومتعب و مرهق لكن بنحاول معرفش المفروض التعافى ١٠٠٪ يتم امتى لكن بحاول و الموضوع صعب اوي اوي اوي.

عارف النفس اللي بتاخده كدا وزفير سمعت فيديو لقارئ بالصدفه واغرمت بيه والله ربنا يباركله بقالي كذا يوم معنديش طاقه لاي حاجه من الشغل للفطار للنوم ومن الكليه للفطار للنوم وحاجه قمة الغم ف اللهم عفوك

اقسم بالله انا تعبانه جسديا و نفسيا، انا عندي اختين اكبر مني، و الاثنتين بيشتغلوا، لهيك كل شغل البيت علي انا، و تخيلوا لو قررت اقعد شويه ايش بصير؟ بهدله و بيقولوا اني عديمة الفايده، تراني تعبانه، و لما اخلص شغل و ادخل للغرفة بيشكوا فيني اني بحكي مع واحد، تراني بكره الشباب اصلا، بكره اترك امي تشتغل لحالها لأنها كبيره و بتتعب بسرعه، و في يوم عطلة اخواتي، احيانا بسوي الشغل عنهم مقابل فلوس، هذا حقي اصلا، في وحده منهم بضلها تقلي يا طماعه يا خبيثه تراني تعبت و هذا حقي، اقسم بالله تعبت، و كل شوي لين و لين و لين و لين، لين جيبي هذا لين ودي هذا، المشكله احيانا انا بكون بالغرفة و بينادوني من اخر البيت مع ان اخواتي و اخواني حوليهم علشان بس اسوي شاي، ياخي خلص قرفت، ماني خدامه الكم

أنا بشتغل مدرسة وبعاني من ال perfectionism وده بيسببلي على طول توتر وقلق وإرهاق على طول خايفة وبفكر كتير جداً، غير كده بحس بملل، وأي موقف بسيط ممكن يخليني أعيط ويبوظ مودي الچيم كان الملاذ بيقلل التفكير شوية لكن حالياً موقفة علشان رمضان وهرجع بعد العيد ، كمان الذكريات بتتعبني جداً لما بفكر فيها وازاي ناس ممكن تتغير سواء غيره أو تتصدم من الناس أو الفراق .. حاسة اني وصفت مشاعر كتير عشوائية بحس بيها بشكل يومي..🥀

حاسس بفخر اوي اني بقالي فتره ممكن شهر مش باخد جنيه من ابويا مش تقليل منه او حاجه بس حاسس ان كدا احسن كتييير بس مقابل دا متبهدل من الشغل للكليه ونفسيا زي الزفت وحقيقي بكافح عشان اليوم يخلص وانام وابدا يوم تاني وهكذا مش عارف اعمل ايه ولا ارتب دماغي ازاي في ظل اني غرقان في التفكير الفتره دي ف مشاكل كتير جدا