محتاجه رد بجد دماغي وقفت بقالي3ايام متواصل تفكير انا 18سنه دفعه26 تالته ثانوي عملت اللي عليا وزياده والله لدرجه اني كنت بنام في الدروس مضيعتش وقت نهائي طول السنه لدرجه اني خلصت بشرتي بايظه وشعري بيقع كنت تعبت فعلا وكنت متوقعه مجموع كويس لقيتني مجبتش مجموع يدخلني حتى كليه اتصدمت طبعا كلنا اتصدمنا واهلي مقاطعيني مبشوفهمش اصلا قاعده علي طول لوحدي في الاوضه اختي بس اللي بتكلمني وبتجيبلي اكل بابا قال إنه مستحيل يدفع في جامعه خاصه وانا جبت51في الميه كل ما افتكر اللي كنت بعمله والتعب اللي تعبته طول السنه اتقهر والله لأني كنت براجع بعد الامتحانات وعلي حسابي المفروض لو الدنيا باظت اوي اجيب85 طبعا في التظلم بس سمعت ناس كتير اوي بتقول انها بهدله علي الفاضي ومش هيرجعو الدراجات الا بعد سنين هما بس بيلمو فلوس الماده ب400جنيه تقريباً واهلي مش شايفين اي حاجه عملتها ده دايما يعني مش في دي بس ولما قولتلهم اعمل تظلم حتى اتبصلي كأني مجنونه بابا عايزني اعيد السنه محدش شايفني في معهد مش تقليل من المعاهد عارفه أنه كويس ويمكن اتبسط هناك اكتر من الكليه بس محدش كان في دماغه خالص حتى انا مش جاي معايا فكرت ادخل اكاديميه أخرج اقدم كا مضيفه طيران وانا مناسبه بس كدا مش هيبقى معايا شهاده خالص أو اجي علي نفسي واقنعهم وادخل معهد وبعدها اقدم في الأكاديمية بس برضو هبقى كبرت وممكن متقبلش وممكن شغل الطيران عموماً ميناسبنيش خصوصاً أن في يوم هيبقى عندي بيت وكدا ومش هيبقى معايا حاجه تشغلني شغل تاني ولا أعيد السنه انا معنديش مانع رغم اني طلع عيني حرفياً والله بس حتى دي مش مضمونه تعبت من التفكير