انتي لسه في عز شبابك ومفاتكيش كتير علي فكره الجواز رزق زي اي رزق ربنا بيبعته مهما سعيتي ليه حيجيلك في الوقت اللي ربنا محددهولك فمتحمليش نفسك فوق طاقتك ولو علي الاماكن اللي بتشبهك شوفي الانشطه اللي بتحبيها وادخليها وهناك حتتعرفي علي الناس اللي شبهك زي مثلا بتحبي الخير والاعمال التطوعية ادخلي في جمعيات خيريه فيه كتير انشطه هناك بتحبي الفن في انشطه فنيه في كل المجالات اشتركي في المجال اللي بتحبيه يعني اختلطي بالمجتمع اللي يناسبك وهناك حتشوفي ناس تشبهلك وده حيوسع الافق عندك في اختيار شريك حياتك اكتر

تعديل و ارمي كل حاجه على ربنا زي مثلا ان لسه نصيبك مجاش ارميها على ربنا هو أنه كاتب لك الأفضل كل الي عليكي انك تسعي بس

تعلقي بالله، ونصيبك هيجيلك في أوانه، لكن نصيحتي لكي حاولي تملي الفراغ اللي جواكي قبل ما تنخطبي تاني، لأن الحياة صعبة وقد تكون اصعب بعد الزواج

انا فهماكي بس انتي لسه مجاش المناسب ليكي حاولي تاني وحاولي تتعرفي علي حد واهتمي بنفسك وادعي

بصي متخليش الشيطان يخدعك انتي اعملي الي عليكي و خلاص زي مثلا تعليم اتعلمي اي حاجه تيجي قصادك او شغل اشتغلي عادي طالما حاجه حلال معامله اتعامل مع كل الناس كويس