السلام عليكم ورحمة الله وبركاته ازيكم اخباركم ايه نوتيلا تعبت تاني و رجعت تاني بجد تعبت من نفسي و غالبا هرجع اضيع نفسي رجعت افكر في كل حاجة غلط كنت هعملها زي الفيب و فكرت اجيبها رجعت اكلم ناس تاني رجعت ابطل مذاكرة و اكثر لدرجة اني فتحت المادة اللي هي صعبة اصلا قبل الإمتحان بساعة و نص و كنت قاعدة بردو بمسك الموبايل و مش قادره اسيطر علي نفسي خالص خلاص بقيت مش قادره و محتاجة مساعدة انا بتابع مع مع دكتورة لكن كان بقالنا حوالي اسبوعين ما حضرتش معاها انا بتكلم معاها و بقول كل حاجة و بعرف اتكلم و بتخليني اكتشف حاجات فيا و الاحظ حاجات لكن بردو مش قادرة اعمل اي حاحة في خياتي ولا التاسكات اللي بتقولي عليها المفروض عندي سيشن بكرة و معرفش هعمل ايه هي كانت قالتلي هنشوف عندي اكتئاب ولا لا و لو كده هروح لطبيبة لو الموضوع محتاج ادوية و قاعدة بفكر في الموضوع ده و خايفة بردو حاسة اني تعبت و زهقت من نفسي و هأذي نفسي بجد حاسة اني عايزة اروح مكان افضل فيه لحد ما اتعالج و ارجع لما ابقي كويسة و حاجة كمان انا بهرب من التفكير او الزهق او كده بروح اكلم ناس و بزعل من ده اوي و رجعت اعمل كده و انا عايزة اقرب من ربنا بس مش قادره بجد و مش عارفة اعمل ايه في نفسي علي البوست اللي فات انا مسحته و مش مسامحة اللي قالولي كلام يضايقني و انا restricted لكن هقرأ كل اللي هتقولوه ياريت تحاولوا تساعدوني فعلا انا تعبت و محتاجة مساعدة و لو في حاجة محتاجة ارد عليها هرد بكرة ان شاء الله لما يتفك و شكرا ليكم كلكم
انا ممكن اساعدك باني اتكلم معاكي وانصحك
بصي اللي انت فيه ده محتاج حاجة واحده بس انك تبطلي تلومي نفسك على اللي انتي فيه كل الناس يتقع بس الشاطر هو اللي يقوم فاكره انك لو فضلتي تجلدي نفسك هتقومي ؟ ابشرك لا لازم تسامحي نفسك عشان تقومي. حبيتي ربنا يسامح ويغفر لنا لو توبنا ليه احنا بنصعبها على نفسنا توبي مهما كانت ذنوبك وارجعي مهما بعدتي. ربنا بيغفر كل الذنوب حتى الشرك بيه اللي هو أعظم ذنب. صدقيني اليأس ده من الشيطان. قومي مره واتنين وعشره وافضلب قومي لحد ما مره تصيب والشيطان هو اللي ييأس منك. طالما لسه عايشه وبتتنفسي فانتي لسه عندك فرصه كبيره اوي ترجعي لربنا وتتوبي وتكوني احسن.