منذ يوميشعر بـ عاطفي
انا فى بنت من القرية بتاعتنا جميلة اوى ومؤدبة ومن زمان وانا معجب بيها ومن حوالى كام اسبوع كلمتها على صراحة وقولت مشاعرى وهى اصرت انها تعرف انا مين ف قولتلها واتكلمنا يومين كدة عرفتها ظروفى وكدة وهى شافت انى حد مناسب وكدة يعنى وقالت انها هتستنانى انا فى سنة ٣ هندسة ولسة طريقى طويل واحنا ناس على قد حالنا معندهاش حاجة للاسف خالص يعنى هبدأ حياتى من الصفر يعنى قدامى ولا ٥ سنين كمان الصراحة قعدت احسبها لقيت انى هظلم بنت الناس معايا ورحت قلتلها انا اسف انا لسة طريقى طويل مش هعرف اوعدك بحاجة مضمونة اعتبرى انى مظهرتش فى حياتك وعيشى حياتك زى ما كنتى وانا لو ربنا كرمنى مش هلاقى احسن منك يس مقدرش اوعدك بحاجة حسيت منها انها زعلت ولقيتها بتقول هو انا فيا حاجة وحشة زعلت قوى والله انا روحى فيها اصلا المهم عايز رأى اخواتى
اوعي تعلقها بيك كده هتزقف حالها علي الفاضي خليك علي موقفك وسيبها ولو ربنا سهلها معاك وكرمك وليكو نصيب مع بعض يبقي خير ملكوش ربنا يعوضها بحد احسن منك ويعوضك بحد احسن منها
لا انت عاملت الصح بس كان بردك لازم تعرفها أن مشكله عندك مش عندنا بمعني انك تقوله انا اسف بس انا لسه قدامي وقت عقبال ما اعرف اتقدملك و خايف يجيلك حد و توقفي حالك بسببك و اوعدها حتي أن اول ما تقف علي رجلك و انتي لسه متجوزتيش هاجي و كلام ده بحيس انك متكسرش قلبها
كلمها بس ي ريت لو اتكلمتوا محدش يبعد ولا تعملوا اى غلط اشرحلها موقفك تانى وليه قولت كده فيه طريق ي غالى اتعلم المانى وطور الانجليزي سهل تشتغل كول سنتر المانى او انجليزى وفلوسهم حلوه قوى