اخر اليل وانا ودماغي بس ومش سيباني في حالي،، انا بعافر نفسي في موضوع الاختلاط بس شيطاني ودماغي دلوقتي بيقولولي لو كنا ادينا فرصه لدا او دا او دا كان زمان حد معانا وكان باين انهم معجبين فعلا بس مكنتش مدياهم فرصه ولا فاتحه الباب تعاملي كان ف الشغل وبس اشخاص كتير كانت مستلطفاني وكان باين انهم ممكن ياخدوا خطوه بس عاوزين يعدوا الاول بمرحله اننا صحاب ونقرب بس مكنتش حابه كده ورافضه مبدا اننا نتكلم كتير وحاطه حدود شديده شويه حاسه في منهم اللي فهم اني مرتبطه او ف حد في حياتي مش عارفه ومعرفش تعاملي كان صح ولا غلط وهل فعلا كانوا هياخدوا خطوه وانا اللي قفلتهم ولا لا مش قصدي اني مستعجله ع الارتباط او الخطوبه بس هما كانوا اشخاص كويسه فعلا وكنت مستلطفاهم انا كمان بس مبحبش الاختلاط او ان حد يعدي حدوده معايا ونتصاحب الاول مع اني عارفه لو كنت اديت لحد فرصه الموضوع كان هينجح ونقرب بس برجع واقول عاوزه الشخص اللي هيبقي من نصيبي يبقي عنده نفس المباديء ولما يحب ياخد خطوه يدخل البيت من بابه ع طول مش عارفه احدد انا صح ولا غلط عارفه اني صح بس معرفش دا واقعي ولا كده اللي قدامي بيفهم اني رفضاه او في حد في حياتي