منذ 6 ساعاتيشعر بـ قلق
لسه سيباه متوقعتش ان اعرف اوصل للمرحله دي بعد ٤ سنين بس احساس الخوف والقلق مسيطر عليا احنا فضلنا اهلي مش عارفين عشان هو مبيشتغلش كنت انا اللي بدورلو واسعالو و اساعد وادعم مادي و معنوي بس هو اجا اخر خناقه مفتكرش اي حاجه عملتهالو قلل مني و عاب فيا وفي اهلي و عايرني بس اي اسرار ليا عندو و هددني ب انو يعرف اهلي علاقتنا غير نظرتو ليا انو دايما بيقولي مبيحبش اني ممرضه شايف ان اه محترمه بس المجال وحش مع ان مفيش مكان اشتغلت فيه كان فيه حاجه مش كويسه انا عارفه اني صح ف قراري بس جوايا حاجه بتقولي يمكن لو ربيتو شوية وبعدت يتعدل عدا يوم وانا مش مستحمله بعتلي انو تعبان وانا عارفه انو بنسبه ٦٠% بيمثل عشان يستعطفني بس بردو قلقانه حاسه ان عاوزة اسيب خيط مش عارفه
مش مسؤوليتك أنك تربيه أو تصلحيه ، كون إنه يقلل منك و من أهلك دي حاجة مش مقبولة تماماً و كون إنه بعتلك إنه تعبان ف ده ابتزاز عاطفي علشان ترجعي ......عارفه إنه صعب لكن أنتي مشاعرك غاليه و ٱسفة يعني لو كان بيحبك مش هيقول عليكي كلام وحش أو على أهلك و هيحترمك و يحترم شغلك و مش يهددك هو ممكن يكون بيحب الدعم اللي بياخده منك سواء مادي أو معنوي ..ولو بيحبك بجد مكنش هددك و كان اشتغل و عافر علشان يجي يتقدملك...سيبيه..و أقفلي الباب وراه و حاولي تنسي و تتخطي الموضوع ....هيبقى صعب في الأول لكن حاولي....لما تتخطي بإذن الله هتبصي وراك و تعرفي إنك أخدتي قرار صح ..و بعدتي عن علاقة محرمة..ربنا يعينك و يخفف عنك
بصى يابنت الناس مش من حق أى مخلوق على الأرض إنه يقلل منك ويعيب فيكى (مهما إن كان هو مين) بس كون إنه يعيب فى أهلك ويعايرك يبقى هو عدى الخطوط الحمراء فنفس الوقت انا عارف إن ٤ سنين دول مش شوية… فيهم كمية ذكريات ومشاعر وأحلام وخطط تعيّشكوا سوا بقيت عُمركوا وواضح اوى من كلامك إنك بتعشقيه رغم الأذى والحدود اللى عداها معاكى ومع أهلك وواضح كمان من أفعالك معاه إنك كنتى الطرف الأكثر عطاءًا وتضحية وبذل وجهد يابنت الناس يابنت الأصول إنتى مش أمه علشان تقولى "ابعد علشان اربيه" خلى بالك علشان كرامتك وكرامة أهلك بين إيديكى وإنتى اللى هترميها عالأرض بسببه وبعد اللى هو عمله كمان بيستخبى ورا المرض بدال مايحسس نفسه بالذنب أو يلوم نفسه قدامك على اللى هو قاله والصوت اللى جواكى اللى بيقولك "إنه كداب" كللللل ده مش مؤشرات كفاية لقرار حاسم فى العلاقة ؟
دا مش راجل اوعي ترجعي اتعافي وكملي حياتك حياتك وهتلاقي الشخص الصح ال هيحبك ويحافظ عليكي واوعي ترجعيلة تاني
ووت