اتوكل ع الله وارمي همومك ع الله وافتكر دايما ان ربنا موجود وما داقت إلا فُرجت ببساطه شعور صعب اه بس صدقني ترتيب ربنا جميل اوي هتمر بأيام صعبه وهتحس انك مضغوط نفسياً بس حقيقي طول ما انت بتقول يارب ومقرب من ربنا هتلاقيها متيسره وادعي دايما ربنا يوقع ف طريقك ولاد الحلال ويبعد عنك اي شر الدعوه بتغير المصير وربنا يوفقنا جميعاً

بص يا هندسة متخليش الخوف يقفل دماغك لأن لو دماغك اتقفلت الواقع فعلا هيبان مقفول قدامك إنت مهندس والفرص موجودة بس محتاجة سعي وصبر وتطوير لنفسك ومصر داخلها مشاريع وحركة في مجالات كتير واللي بيجهز نفسه بجد بيلاقي مكانه بإذن الله صدق نيتك مع ربنا وخد بالأسباب واشتغل على نفسك واحدة واحدة رزقك مش واقف على وظيفة معينة ولا شركة معينة ولا حتى على فكرة الجواز دلوقتي كل حاجة بتيجي في وقتها المهم متستسلمش قبل ما تبدأ إنت مش متأخر ولا فاشل إنت بس خايف وده طبيعي بس الخوف يتكسر بالحركة مش بالتفكير الكتير ربنا يفتحها عليك ويكرمك بالحلال ويطمن قلبك

ومستني اي اتكلم مع باباها ع الاقل اقرئو فاتحه وقوله ظروفك و ابدأ دور ع شغل من دلوقتي مش تستني لما تتخرج وبعدين سيبها لله متفكرش ف حاجه لسه مجاش وقتها ربنا راسملك طريق كبير واكيد نهايته خير وربنا يوفقك يارب

انا معنديش معرفه بالمجالات بتاعتك لانى طب ف جاى من خلفيه تانيه خالص المهم انى عايز اقولك حاجه واحده واضحه وصريحه مثلا هتكلم ع مهندسين انا اعرف عدد مش قليل من المهندسين مش شغالين ومنهم اللى شغال ف مصنع ايريال بيغلف وع النقيض في مهندسين قريبين منى واو ف قمه النجاح فلما جيت اقارن بين النوعين لقيت ان النوع الشاطر هو مش شاطر ف مذاكره وشغل بس لا هو شاطر لانه سعي ودور وعمل علاقات و كويس مع ربنا و بيتكلم كويس تحب تتكلم معاه التانى بقي تحسه عنده رهاب اجتماعي اجتماعيا غبي تحسه بس دحيح دراسه فقط هو بيبقي فعلا غير مؤهل للعمل ف هى بسيطه انت لو شاطر ومؤهل هتتعين لو لا ف خلاص ودور كويس لأن في فرص بالهبلللل انااهه حد ف طب من الكلام مع الناس بس التدوير ع النت لقيت كميه شغل بس للاسف مشمجالاتى بس بجد في كتير فرص ف ابنى نفسك من دلوقتى واعرف ان في مكان محجوز مستنيك بس بشرط انك تبقي شاطر