منذ 3 ساعاتيشعر بـ مكتئب
ان مفيش سبب يخليني اكمل خسرت كل حاجة و كل حاجة اتكسرت قصاد عيني احلامي و طموحاتي و كل اللي اتمنيته و اولهم صورتي قدام نفسي كنت فاكرة اني حد اما بيحط حاجة في دماغه بيعملها و حد كويس و مش مؤذي و متفوق دراسيا لقيت كل حاجة من دي اتهدت قدامي لقيت اني لما بحط حاجة قدامي عابزة اعملها غالبا بفشل فيها لقيت اني حد مؤذي لكل اللي حواليه حتى و انا ممكن اكون اكتر حد بيخاف انه يإذي الناس لقيت اني دراسيا مينفعش يطلق عليا لقب متفوقة دا ... انا اقل من كدا بكتير و كنت مخدوعة في نفسي و بكدب على نفسي او كنت خايفة اشوف حقيقتي مش عارفة احدد بس لقيت ان لو هحاول عشاني ... فانا مستاهلش و ما اسوء كره الذات للذات...!!
لو انتي هتشوفي نفسك كدا يبقا محدش هيشوف أنك كويسة ثقي فى نفسك شوية و قولي لنفسك كلام ايجابي بلاش الكلام السلبي دا و شوفي واحدة صحبتك قريبة منك تبقا معاكي وبعدين في مليون سبب هتلاقيه عشان تكملي بس انتي ركزي كويس وهتلاقي . الذات إن لم تحب نفسها لا ذات اخرى ستحبها.
المفروض انه فيه اهداف جديدة تستبدل القديم لو مفيش حاجة تستبدل القديم ف هتفضلي تتحسري عليه مش هقولك غلط او حاولي تاني اكيد عارفة الكلام ده بس الفكرة انه لو فيه جزء عايز يحاول لسة لو مجرد حبك لنفسك و تعاطفك مع نفسك ده المفروض يكون سبب كافي للمحاولة ف ده سبب كافي انه يخليكي تكملي محاولة مش شرط يبقى الاهداف بنفس حجم الاهداف القديمة حتى لو حاجة زي سندوتش ف هيبسطك ف ده انتصار برضه حاولي تغيري مكانك او الناس اللي حواليكي او هواياتك او وقتك عامة حاولي تغيري في البيئة لحد ما تلاقي اللي يستبدل القديم لانه غير كده مش هتبقي عايزة تحاولي لوحدك كده منغير اي دافع
استهدي بالله واصبري وعادي احنا بنتحط في مستويات مختلفه في الدنيا