انا شخصيتي حساسه جدا وبحس بكل التفاصيل بشكل زياده ع اللزوم اي تغيير في نبره الكلام او تأخر ف الرد او البرود المفاجئ او الاحساس بالتجاهل ممكن يفضل شاغل دماغي لفتره طويله المهم عندي صاحبه بتخليني محتاره طول الوقت م عارفه اوضح قصدي بالظبط بس احيانا بحس إنها بتلعب علي نفسيتي هي عارفه اني حساسه وبفكر كتير ومع ذلك مره تبقي قريبه مني جدآ وتكلمني عادي ومره تقطع وترد ببرود او تعلقني بالرد بالساعات وهي بتنزل ستوري عادي ولما بعاتبها بتديني اعذار بحس أنها م مقنعه مره قالتلي انها بترد متأخر عشان خافيه شات بتاعنا م اني مسكت فونها وملقتش ان شات مخفي اصلا نغيب فتره بعدها ترجع فجأه تقول رني عليا او ترن هي عشان تحكيلي كل اللي حصل معاها وم بتديني فرصه احكي حاجه او اتكلم ع نفسي دايما الكلام بيتحول ليها بقيت حاسه إن شخصيتي بتضعف معاها وإني دايما بحاول افهم وأبرر واستحمل وده بدأ يأذيني نفسياً فعلا لو حد مره بحاجه شبه كدا يديني نصيحه او حل