من فتره والحمدلله ربنا أنعم عليا بالقرب منه رمضان اللي فات بفضل الله وفقني لنزول التراويح كاملاً صحبتي الانتيم كانت قالتلي هجيلك اقعد معاكي قولتلها بس بعد التراويح ان شاء الله يحبيبتي قالتلي ماشي اعملي حسابك صلي فمسجد قريب عشان نلحق نقعد سوا قبل ما اتأخر قولتلها تمام مجتش في المعاد اللي اتفقنا عليه ببعتلها بقولها شوشو هو انتي مش هتجيلي؟ قالتلي لا للأسف مش هعرف قولتلها طب معرفتينيش ليه كنت رُحت صليت في المنيا (منيا سمنود دي جمب بلدي عشان فيها الشيخ مصطفي العدوي باني مساجد نضيفه جدا وشيوخ اصواتهم فوق الروعة) المهم هي قالتلي اصلي تعبانه النهاردا انا اتضايقت لأنها كتير تعمل الحركة دي بتخلف المواعيد اللي اتفقنا عليها من دماغها المهم هي عمرها ما نزلت ستوري في حياتها لا رمضان ولا غيره ولا قرآن ولا أي حاجه عمرها ما عملت كدا بجد لقيتها منزله ستوري انستجرام ايه بصوت شيخ (ولا تجهر بصلاتك ولا تخافت بها وابتغِ بين ذلك سبيلاً) صحبتي دي من النوع اللي مبفهمش هي بتحبني ولا بتكرهني بتحب تقعد معايا جدا وتفضفضلي ولو شافتني منزله صوره لنفسي مش بتعبرني مهما حصل الغرب يمدحوني وهي ساكته انا طول عمري بدعمها في اي حاجة احنا لسه في اولي جامعة السنادي كان جايلي كام عريس عادي فا كنا بنهزر وبنحكي في شات ولما قولتلها قالتلي بجد مين؟ واختفت تماما مره قالتلي ان اخوها الكبير بيقولها صحبتك اللي هي انا عسوله ورقيقة أوي بتقوللي طبعا قولتله انك مش كدا وعرفته اللي فيها 😂 بستغرب لما بتمدح صاحبتنا التالته بشكل مبالغ فيه ومطرفاني وبحسها عايزه توصلي رسالة ان فيه الأحسن منك ولما صاحب اخوها قال انه هيتقدملي عشان معجب بيا قالتلي خلي بالك اهلك هيرفضوه وقعدت تعد في الاسباب وكأنها كارهه الموضوع بستغرب بقا انها ممكن تقعد شهورمن غير ما تكلمني ولا تبقى عايزه تقابلني ولو قولتلها عايزه اشوفك ممكن تطلع ١٠٠ حجة بس أول ما بيكون في موضوع عايزه تتكلم معايا فيه بتخش تقولي وحشاني و و وبحس انني وحشة لما بفتكر تصرفاتها الكتيرة اوي اللي بتثبتلي انها بتكرهني وحوار صاحب اخوها دا حاولت تبين لي انه اتقفل وهو متقفلش ولا حاجة لأن فيه اعجاب متبادل وكمان الشخص دا جذاب جدا بالنسبة لأي بنت أنا مش بأفور