عمري 19 كيما سبق وقلتلكم ،العام لي قبل لي فات2024 جبت الباك تاعي ب 13 ،مع العلم كنت خباشة وكنت قادرة نديه 18 لكن مقريتش والدار لي عايشة فيها ،تاع الصح معمرة أمراض نفسية مكنتش نقدر نقرا ،الحس والعياط طول في الدار ، و مكانش تشجيع ،كنت تاعبة نفسيا لواحد الدرجة تاع الصح كبيرة ، طلعت درت هندسة في ولاية غير ولايتي غير باه نبعد على الدار ونرتاح شوي ، طلعت مع صاحبتي لي كنت حاسباتها اكتر من اختي ، بعد كي طلعت معاها صرات بروبرلم ونفارقنا ؤ بقيت وحدي فولاية جديدة ما نعرف والو ، و العيلة تاعي ماهيش قابلة اني نطلع نقرا ،خلاوني مقرا بسيف ، مهم بدا العام الدراسي ، رحت اليومين الأولى للفاك ، وبعد وليت منروحش ،وليت غير نقعد فلإقامة ، نلعب ولا نكونكتي ونرقد ، نروح كل شهر نقعد يومين فدار وبعد نرجع للإقتمة ،عام كامل فات عليا ونا في الشومبرا تاع الاقامة وحرفيا ما درت والو يصلح ، تعبت نفسيا لأبعد درجة ،وليت كي نخرج كنعرفش نحكي مع الناس ووليت انطوائية لأبعد حد ، تم العام وباينة بلي مطلعتش العام تاع لافاك ، رجعت للدار و الهدرة تاع بابا والرخس لي ديتو وياسر حاجات منحبش نذكرهم ، مع انو كان مش موفىيلي والو الف مايمدهاليش ، صراحة حتى و مطلعتش العام محكمنيش تأنيي ضمير ، قعدت في الدار وقررت نعاود الباك العام هذا باه ندي 18 ونوصل للحلم تاعي و هو ذكاء اصطناعي ، قريت المرة الأولى ب حماس ،كنت متحمسة بعدا فشلت ، حابة نقرا ليكور في الميكانيك ، قلت لبابا قلي منمدش ، ني غير قاعدة فنقطة وحايرة وش لازم ندير ، في الوقت الحالي ملنيش نقرا ومانيش نرقد وماني ندير في والو ، برك نخمم في المستقبل وخايفة ، خايفة من كلش حرفيا ، من روحي ، من عيلتي ، من قراراتي ،مني .