كنت بحب واحدة وكان عندي استعداد اعملها اي حاجة عشانها مش عارف هتفهموني ولا لأ بس كانت اول مرة احس الاسحساس ده في حياتي كنت بحب ضحكتها وذوقها في اللبس والبيرفيوم بتاعتها وكانت ولحد دلوقتي اكتر حد شبهي عرفتة مكنتش محتاج عشان ابقي مبسوط غير اني اشوفها او حتي اسمع صوتها فضلت معايا حوالي سنة ومرة واحدة ابعتلها متردش عليا ارن عليها مفيش فايدة راجعت كلامي الأسبوع كله يمكن اكون ضايقتها وانا مش قاصد قعدت ارن علي اهلها كلهم ومحدش عبرني وحتي صاحبها محدش فيهم بيرد كانت اسوأ ايام حياتي. وبعدها باسبوع لقيتها بتنزل صور عادي وردت عليا ولا كان حاجة حصلت وانا كنت بحبها لدرجة اني مكنتش عاوز اسأبها فتزعل فتبطل كلام فكلمت معاها عادي وبقي الاسبوع اسبوعين وبقيت كأني مش موجود وفجأة الاقيها اتخطبط وانا اخر واحد يعرف كان نفسي ابعت ريكورد واحد عتاب من الي مسجلهم كان نفسي افهمها اني اكتر واحد بيحبها هتشوفو كان نفسي يعدي عليا الليل من غير ما افكر هو انا قصرت بقيت بسببها باخد بالي من كلمة يمكن ادايق حد ويعمل زي ما هي عملت مش عارف ارجع انسان طبيعي بتمشي زي المجانين في الشوارع الي كنت بمشي معاها فيها بقتش عارف اعمل ايه لو حد مر بحاجة زي كده وعنده حل هكون شاكر جدا