لسه خارج من علاقه مكنتش اتوقع انها تنتهي كده بقالي شهر اه لسه بيجي في بالي وبفتكر كل حاجه بس بحاول اشغل نفسي وبحاول ماحطش حاجه للشخص ده قدامي علشان مفتكرش سواء كانت هديه او شات لينا او اي حاجه ممكن تفكرني بيع ومع الوقت كده كده هننسي ده طبيعتنا كبني ادمين اننا بننسي يعني حتي لو مش هننسي بس علي الاقل لما تفتكر الحاجه دي مش هيجيلك نفس غصه الصدر والزعل الي بيجيلك دلوقتي

ربنا مايعلقنا بحد يإذينا ولا يعلق حد بينا نإذيه

بصي كل شئ بينتهي بالوقت بس احب اقولك معرفتش اخلص منو

كنت بجازب على أسألة هل لو الحاجة دى ما حصلتش، ملهاش بديل؟ ولو الحلم ما تحققش يبقى مش هحلم تانى؟ أو لو الشخص دة قطعت علاقتي بيه يبقى مش هعرف أحسن منه؟ ● وشوية أسالة شبه دي يعني كل حاجة قضاء وقدر والتعلق دة بس بيكون فالاول بسبب الصدمة حتى لو طول هيروح لما تعرف/ي حقيقة إن كل إلى كنت متعلق/ة بيه فى أحسن منه وربما كان هيكون شر لو كمل وبقيت عايش فيه....وأنا شخصياً ما تعلقتش بشكل مفرط دى هو بس كان شهر....وكله أختفى لما أدركت كل دة

حقيقي وعندي مشاكل مع ده بس يعني اول مدماغك تسوحك خدي نفس ف٤ ثواني احبسه في ٧ طلعه من بوقك في٨ ثواني اعمله حوالي ١٠ مرات هتهدي وقوم اعمل اي حاجه او ركز في حاجه حواليك حتي لو كانت ساعه حائط هتلاقي دماغك بتسكت حتي لو ساعتها بس ومع الوقت دماغك مش هتجبلك الفكره كتير

هحكيلك تعلّقى مع البشر انا اتعلقت بحد كان بالنسبالى الهوا اللى بتنفسه (وده بجد مش مبالغة) واية اللى خلانى اوصل للمرحلة دى ؟ -إنى مكنتش مقدر نفسى كفاية، وبسبب كدة كنت بظلم نفسى وبدى امتيازات غير مشروعة للطرف التانى -كنت بعيش الخيال أكتر من الواقع لدرجة إنى اتعلقت بالحد ده فى خيالى اكتر بكتييير من الحقيقة -وشعور الوِحدة المُبالغ فيه كان مأثر بشكل كبير على مشاعرى وتأثيرى لأى كلمة أو نظرة لطيفة وبعد ما اكتشفت الأسباب دى اخدت وقت طوييييييل فى "التأقلم" فكرة إن ميكنش فى يومك الشخص ده دى كانت "مُعجزة" فضلت اسابيع وشهور كيميا مخى مش مستوعبة اللى حصل، كان بيوصل بيا الحال كنت بأذى نفسى بسبب عادات غير صحية وبعد ما حاولت اتأقلم على عدم وجودها، قلبى رفض ينساها، فـ رجعت كلمتها تانى وكنت كمان بقعد فى نفس المكان اللى بنقعد فيه، علشان أفتكر بس ذكريات المشاعر اللى كانت موجودة فالمكان ده