قاعده زعلانه جدا صحابي ما شاء الله بيتخرجوا ومتصورين صور جميله مع صحابهم والناس اللي جايبنلهم بوكيهات ورد ربنا يسعدهم يارب قاعده افكر انا هل انا فيا حاجه غلط انا كمان بتخرج السنادي بس في الاوقات اللي المفروض اكون مبسوطه فيها وبتصور واعيش اللحظه بلاقي شعور حزن هجم عليا فجأه بيسلبني كل حاجه مشاعري بتبقي عباره عن غضب وزعل و شعور بالوحده وعدم الاهمية بيبقي تصرفي اني آخد جمب واتفرج علي اللي حواليا من بعيد بس مبعرفش اعيش اللحظه ولا بعرف اتصور صور حلوه زي الناس ولا حد بيبقي مهتم حتي انه يشاركني اللحظه واحنا بنقدم مشروع التخرج جالي الحاله دي وفضل اليوم مقفل معايا ومعرفتش اعمل اي حاجه وزمايلي كان اللي اهلها جايينها وجايبين ورد او خطيبها او صحابها اللي من كليات تانيه وانبسطوا مع بعض باللحظه وانا واقفه اتفرج من بعيد ، انا اهلي مش مقصرين معايا في حاجه بس شغلهم واخد كل الوقت ومش متابعين سوشيال عشان يعرفوا او يشوفوا الناس بتعمل ايه مع ولادها في الحاجات اللي زي دي وانا اتكسفت اقولهم بصراحه فمحدش جه ولا جاب حاجه ، حتي الناس اللي معايا في الكليه مقدرش اقول عليهم صحاب هما معارف بس زي مدخلت زي مخرجت حتي آخر يوم امتحانات كان نفس الوضع المفروض اني اتبسط عشان خلاص مش همتحن تاني وعشان انا تعبت فعلا والمفروض احس بشعور كويس نفس الاحساس بالكتمه والوحده والتجاهل والزعل هجم عليا مكنتش قادره آخد نفسي ، بجد نفسي اعيش اي لحظه فرح من غير ما اكون مخنوقه من غير الشعور ده نفسي اعيش اي حاجه مش اتعايش مع الحياه بصبر نفسي بإن يمكن ربنا يكتبلك عوض حلو في حاجه تانيه وتعرفي تعيشي اللي انتي عوزاه ..بس الحمد لله علي كل حال