طول عمرى محدش بيصدقنى انى تعبانه اصلا وبيتعاملو معايا انى مقصره ف حق ربنا وانى لو صليت هخف وان ده من الشيطان ومحدش فاهم ان الامراض النفسيه امراض زى اى امراض لازم ليها علاج او جلسات ومكانذ عندى رفاهيه انى اروح لدكتور نفسي او اتكلم مع حد مختص انا مريضه اكتئاب وانفصال عن الواقع وتبدد بالكامل وفالفترة دى داخله ف قلق ومهما احكى للى حواليا سلبيين بطريقه مقرفه وكل واحد بينظر واللى بينتقدنى وانى انا اللى عاوزة افضل كده بمزاجى انا كان بيعدى عليا اوقات من كتر الخنقه بتجيلى حاله كده افضل اعيط لمدة ساعتين متواصلين ورعش ف جسمى وافضل اصوت واخبط ف نفسي ف اى حته وانا مش حاسه محاوله منى اطلع الضغط اللى بحس بيه ف صدرى ووصف اللى بحسه انى بحس ب فوران ف قلبي وغليان ف صدرى وغصه كده ف حلقى وان الغليان ده بيوصل لكل جسمى من التراكمات بيبقا زى هياج عصبي والافكار الانتحاريه اللى فالدنيا ب تبقى ف دماغى ووقتها جسمى بيفصل نهائي وبيكون الحركه صعبه جدا ممكن افضل فالحاله دى يوم كامل
لازم تروحي لمختص نفسي وفي ب٣٠٠ جنيه عادي يعني اهم حاجه صحتك
لازم تطلبي مساعده لو اللي حواليكي مش متفهمين روحي انتي لدكتور نفسي يساعدك شوفي حد مقرب من اصدقائك يكون متفهم حالتك ويساعدك ويكون معاكي خطوة بخطوة ماتبقيش لوحدك في الفتره دي ولو جاتلك اي افكار انتحاريه لقدر الله اتكلمي مع حد واختلطي بالناس ع قد ماتقدري واشغلي وقتك جدا جدا بأي حاجه تبعد عنك الافكار دي ..ربنا يشفيكي ويعافيكي يارب