منذ 2 ساعاتيشعر بـ محبط
أكلمه و لا لا هو بجد واحشني جدا مش فاهمه ازاي هو قادر يبعد كدا أنا كنت اتعرفت على حد اونلاين و هو محترم جدا و مناسب كل حاجه فيه مناسبه ليا و من الأول هو نيته كانت واضحه و ناوي على خطوبه و جواز و بالفعل كلم مامته و مامته كلمت أخويا بس بعدين الدنيا وقفت و بعدنا بس بطريقه محترمه و قولنا لحد ما يحصل نصيب و أنا لسه على أمل ان هو هيجي مش عارفه أنساه و لا أطلعه من دماغي كل فتره بحس باكتئاب شديد جدا و ان الدنيا بتسود في وشي لما حد بيتقدملي بقعد و أنا كارهه نفسي و بكون مقرره اني هرفض من غير استخاره و لا أي حاجه الموضوع بقاله حوالي ست شهور أنا فكرت أشوف دكتور نفسي لو حد يقدر يساعدني...
اوعى تكلميه هتندمى و الله لو كنتى وحشاه كان هيكلمك مينفعش انتى اللى تبادرى عارفة انه صعب و الله الايام بتنسى و صلى كتير و ادعى لو فيه خير ربنا يرده ليكى و لو شر يعوضك تحسن منه
ايه اللي حصل خلاكو تبعدو اصلا؟
الظرف القهري بيتحكي عادي لكن هوا ممكن كان داخل بغرض حاجة و اما لاقي الدنيا رايحة للرسمي جاب ورا
هو شكله كده اول شخص ف حياتك ف عادي تتعلقي بيه كده، بس متوقفيش حياتك عشانه يعني، وبعدين بلاش الاونلاين نهائيا نصيحة مني حتي لو كلم اهلك، انا عندي اصحابي بيكلمو اهالي البنات برضه بس نيتهم الاساسية التسلية ف move on وان شاء الله يجيلك شخص احسن.
حاولى متعشميش نفسك وصدقى من جواكى ان ربنا عاوزلك الاحسن
طلما مش ظرف قهري الي خلاة يبعد و عدي ست شهور و مفيش خاجة عاملها شوفي حياتك و مستقبلك و متوقفيش الدنيا علي حد و متعرفيش النصيب فين في الاول و الاخر