خلاص دي حربك الاولى و الأكبر ، ركز فيها و متتخلاش عنها قصاد الشيطان ، و اسمع كتير من شيوخ عن ترك الصلاة و ذنبها ، و يا صديقي دي جنة و نار ، ربنا يعينك يارب و يثبتك 🤍🤍 و حاول تصلي في مسجد خلي في علاقة بينك و بين المسجد و ناسه 🤍 و تذكر أن من إحدى صفات الناس التي يظلها الله يوم لا ظل إلا ظله ( شاب نشأ في طاعة الله) و الرسول قال : عباده في زمن الفتنه كهجرة إليّ . و قال ايضاً : يأتي زمن على أمتي القابض على دينه كالقابض على جمر ، ثواب العامل منهم كخمسين منكم ( يخاطب الصحابة) ، ثوابك اكبر يا صديقي بإذن الله على قدر المشقه و اوعى تستلم و اوعى تقول انها تقيله يبقى نفاق لا و الله ده نزاع بينك و بين نفسك و انت هتكسب بإذن الله 🤍

كويس إنك عارف مشكلتك فين يا أخويا هقولك كذا حاجة تعملهم سوا: 1 تعمل منبه قبل كل صلاة بربع ساعة وأول ما المنبه يرن تسيب اللي في ايدك وتروح تتوضي وتستني الأذان 2 اعمل جدول أسبوعي وكل مره تصلي اعمل علامة صح وكافأ نفسك آخر الأسبوع خليك فاكر طول ما انت بتحاول توصل لربنا وماشي في الطريق الصح ربنا هيعينك انت بس محتاج تلتزم

دى نفس مشكلتى للأسف دايما بحاول اجاهد نفسى اتفرجت ع كل الفيديوهات الخاصة بالصلاه وشوفت بودكاست كتير وسمعت لمشايخ كتير مع العلم انى اصلا متربية انى اصلى من وانا عندى 5 سنين بحس انى كل م بكبر كل م انتكاستى بتزيد بس من أكتر الحجات اللى كانت بتشجعنى وتساعدنى انتظم هى الصحبة الصالحة حقيقى تأثيرهم رهيب وانت عندك ميزة انك ولد وتقدر تصلى ف المسجد الصلاه ف المسجد ليها طعم تانى حاول تعود نفسك انك تصلى ف المسجد ودور على صحبة صالحة تعينك صدقنى الحاجتين دول هيفروقو معاك جدا وربنا يهدينا جميعا

و صحيح اهم شئ الصحاب اللي حواليك و البيئه حاول تنضفها شويه و اخلاقك قدر الإمكان اعمل ابديت شامل ليك و ربك يعينك بإذن الله 🤍

خلى سجاده صلاه مفروده عشان تفضل قصادك علطول ونزلى تطبيق يفكرك قبل صلى بخمس دقاي

في طريقة ناجحة معايا الحمدلله أينعم بقصر لسه بس كفكرة هي ناجحة " الخوف " إحساس إنك نازلة مش مصلية والمفروض نازلة محتاجة لربنا يقف جمبي غصب عني بلاقي نفسي أصلي لأني محتاجة ليه ف يومي علشان يحميني أو يوفقني مخي أوتوماتيك بقى مسستم نفسه لاء أنا خايفة لو مصلتش مش هتوفق فبصلي قبل م أنزل جربها وطمني لو نجحت معاك🖤