عايزه احكي مشكلتي و لو حد عنده حل ياريت يقولي ، دلوقتي انا عايشه مع تيتا عشان جامعتي و اهلي مش معانا بقالي تلت سنين دلوقتي و علطول فيه مشاكل بيني و بينها بسبب أنها عايزه تبقى المتحكمه ف كل حاجه و علطول تزعقلي و تتعمد تحرجني قدام الناس عشان تبين أنها متحكمه و غيرها كتير جدا من المشاكل ف كنت بحكي ل ماما و مكنتش بوصل لحل يا اما تقولي كبري دماغك يا اما تغلطني انا و حصل بينا مشاكل كبيره بسبب الحوار ده و قعدت شهرين مقاطعاني ( انا مش ببقى غلطانه ف اغلب المشاكل و اتأكدت من كذا حد برا الموضوع عشان الحياديه ) المهم دلوقتي انا بقالي شهرين فيه مشكله جامده بيني و بين اهلي بسبب موضوع ليه علاقه بالجامعه بتاعتي ف المهم تيتا متعرفش ايه المشكله و كانت بتدافع عني عشان اهلي يهدوا شويه لأن الموضوع كان واصل اني ممكن احول اصلا من الكليه بس عدت على خير ، المهم دلوقتي هي بقالها اسبوع كل شويه تزعق من غير سبب و باخدها بالهداوه عشان الموقف الي عملته و دافعت عني وقت المشكله و دلوقتي زودت الموضوع و اتخانقت معايا جامد عشان طلعت مع خالي و مراته برا و اتغدينا سوا مع اننا عزمنا عليها تيجي و موافقتش و كمان اخويا معاها ف البيت يعني مش لوحدها و حلفت عليا قالت مش هتطلعي ف حته تاني و انتي حلال فيكي الي اهلك بيعملوه و احسن تتحرمي من كل حاجه كده و انا مش قادره اشتكي ولا عارفه اتكلم ولا مع اهلي بسبب المشكله ولا مع اخويا عشان كل مره يقولي معلش اتمحلسي ف الكلام و بوسي راسها ( انا مش متكبره اني اعمل كده بس بترجع تذلني بعدها بالي بعمله) ، و بجد مش عارفه اعمل ايه ، اصلا كنت ناويه اتعلم شويه حجات ف علم النفس و كان معايا حد من الاب هنا بيساعدني بس بعد التحديث كله راح ف حتى ده مش عارفه ابدأ فيه ، اتصرف ازاي معاها و مع اهلي كمان